Memleket basshysyna 2018 jyldyń qorytyndysy boıynsha qalanyń negizgi áleýmettik-ekonomıkalyq kórsetkishteri týraly baıandaldy.
Sonymen qatar, Qasym-Jomart Toqaev barlyq qajetti ınjenerlik-kóliktik ınfraqurylymdy iske qosýdy kózdeıtin jáne 2019-2023 jyldarǵa arnalǵan elordanyń shaǵyn qurylysy jónindegi keshendi josparmen tanysty.
Budan bólek, Qasym-Jomart Toqaev jeńildigi bar azamattarǵa áleýmettik qoldaý kórsetý úshin qabyldanatyn sharalar týraly, sondaı-aq jaǵdaıy tómen jáne kópbalaly otbasylardy baspanamen qamtamasyz etý jónindegi esepti tyńdady.
Sońynda Memleket basshysy elordany odan ári damytý, sonyń ishinde qala kóshelerin, saıabaqtar men gúlzarlardy laıyqty abattandyrý, tazalyq pen tártipti saqtaý boıynsha qala mádenıetin qalyptastyrý jóninde birqatar naqty tapsyrma berdi.
