– Farabı forýmy dástúrli túrde ótkiziletin, halyqaralyq deńgeıge kóterilgen, aýqymy keń ǵylymı-is-sharaǵa aınaldy. Sonymen qatar bul forým belgili qazaqstandyq, tanymal sheteldik sarapshylardyń pikir almasý alańyna aınaldy.
Kezekti Forýmda adamzattyń kórnekti oıshyly Ábý Násir ál-Farabıdiń fılosofııalyq jáne ǵylymı murasynyń mańyzynyń arta túsýine óz úlesterin qosyp júrgen, qazirgi zamanǵy ǵylym men bilimniń damýyna qyzyǵýshylyq tanytyp otyrǵan otandyq jáne sheteldik ǵalymdar baıandamalaryn usyndy.
Plenarlyq májiliske Fransııa, Túrkııa, Gonkong, Polsha, Tájikstan, Pákistan, Reseı ǵalymdary qatysyp otyr, – dedi ál-Farabı atyndaǵy Qazaq Ulttyq ýnıversıtetinń rektory, akademık Ǵalym Mutanov.
10 kúnge sozylatyn Forýmnyń ashylý saltanatynda QR Ulttyq Ǵylym Akademııasynyń Prezıdenti, akademık Murat Jurynov, Polsha Respýblıkasynyń Qazaqstandaǵy Tótenshi jáne О́kiletti Elshisi Selım Hazbıevıch, Tájikstan Respýblıkasynyń Qazaqstan Respýblıkasyndaǵy Bas konsýly Nazır Bahodýr, QR Parlamenti Senatynyń depýtaty Álimjan Qurtaev, Fransııadaǵy Eks-Marsel ýnıversıtetiniń professory, Jıl Gaston Granje ortalyǵynyń dırektory Paskal Toronto, Túrkııadaǵy Ulyǵdaǵ ýnıversıtetiniń teologııa fakýltetiniń professory Iаshar Aıdynly, shyǵystanýshy, dintanýshy, fılologııa ǵylymdarynyń doktory Derbisáli Sheıh Ábsattar sóz sóılep, alǵashqy mazmundy baıandamalaryn oqydy.
VI Halyqaralyq Farabı oqýlary aıasynda memleket pen tulǵany, qoǵamdy damytýdaǵy máselelerdi sheshý úshin sheteldik jáne qazaqstandyq ǵalymdardyń kúsh-jigerin biriktirýge baǵyttalǵan iri halyqaralyq ǵylymı is-sharalar ótedi.
Farabı oqýlaryna Qazaqstan ýnıversıtetteri men jaqyn jáne alys shet elderdiń ǵylymı mekemeleriniń ǵalymdary, oqytýshylary men stýdentteri qatysady.
Farabı oqýlarynyń aıasynda 2-3 sáýirde «Ál-Farabı jáne qazirgi zaman» VI Halyqaralyq Farabı forýmy, 3-12 sáýir aralyǵynda fakýltetterdiń halyqaralyq ǵylymı konferensııasy, 8-11 sáýir aralyǵynda «Farabı álemi» stýdentter men jas ǵalymdardyń halyqaralyq ǵylymı konferensııasy ótedi.
Ǵylymı-tehnıkalyq is-sharalar Ogaıo Ýnıversıtetiniń (AQSh), Hamad Bın Halıfa ýnıversıteti Islamdyq zertteýler kolledjiniń (Katar), Ekseter ýnıversıtetiniń gýmanıstik bıoarheologııa ortalyǵynyń (Ulybrıtanııa), Frankofonııa halyqaralyq agenttiginiń (Rýmynııa), Pýsan ýnıversıtetiniń (Ońtústik Koreıa), Kaır ýnıversıtetiniń (Egıpet), Chelıabi memlekettik tarıhı-mádenı "Arkaım" qoryǵy men RǴA fılosofııaınstıtýtynyń (Reseı) jáne t.b.ǵalymdarynyń qatysýymen bastaldy.
Aınash ESALI,
«Egemen Qazaqstan»
ALMATY
