Aýyl sharýashylyǵy mınıstrligi óńirler qandaı elderge jáne qandaı ónimdi eksporttaıtynyna taldaý jasady. Taldaý nátıjeleri AО́K ónimderi eksportynyń negizgi kólemi bıdaı men unǵa tıesili ekenin kórsetti. AО́K óńdelgen óniminiń úzdik tobyna óńdelgen ónimniń jalpy eksportynyń 39,2% úlesin alatyn un, ósimdik maılary — 9%, kondıterlik ónimder — 9%, balyq súbesi — 4%, sondaı-aq, balalar tamaǵy jáne sút ónimderi — 2% kiredi. Sondaı-aq, maqta talshyǵy — 6% jáne óńdelgen jem (jom, kebek, qaldyqtar) — 4% kóp eksporttalady.
Astyq eksporty boıynsha negizgi óńirler — Shyǵys Qazaqstan, Aqmola, Qostanaı oblystary jáne Nur-Sultan, Almaty qalalary. Astyqtyń dástúrli naryqtary — Orta Azııa, Iran, Qytaı jáne Aýǵanstan.
G. Isaevanyń aıtýynsha, Qostanaı, Túrkistan, Soltústik Qazaqstan, Aqmola jáne Almaty oblystary Aýǵanstan, Orta Azııaǵa undy kóbirek eksporttaıdy. Maıly daqyldardy О́zbekstanǵa, EO, QHR, Mońǵolııaǵa Soltústik Qazaqtsan, Shyǵys Qazaqstan, Qostanaı, Aqmola oblystary, Almaty qalasy eksporttaıdy. О́simdik maıy negizinen QHR, RF jáne Orta Azııaǵa Almaty, Nur-Sultan, Túrkistan, Shyǵys Qazaqstan jáne Qaraǵandy oblystarynan jetkiziledi.
G. Isaevanyń aıtýynsha, Qazaqstan úshin mańyzdy naryq — EAEO. Onda $490 mln-ǵa 1,2 mln t eksporttalady. Kóbinese Qostanaı, Shyǵys Qazaqstan, Túrkistan, Almaty oblystary jáne Almaty qalasy eksporttaıdy.
QHR-ge ótken jyldyń qorytyndysy boıynsha $258 mln somasyna 919 mln t AО́K ónimi eksporttaldy. QHR-ge Shyǵys Qazaqstan, Túrkistan (Shymkentpen birge), Qostanaı oblystary jáne Almaty, Nur-Sultan qalalary belsendi túrde eksporttaıdy.
Qazaqstannyń kelesi basymdyq beriletin naryǵy — Iranǵa $329 mln somasyna 1,8 mln t qazaqstandyq AО́K ónimi eksporttalady. Iranǵa kóbinese Nur-Sultan jáne Almaty qalalary eksporttaıdy. Sebebi saýda-logıstıkalyq jáne treıderlik kompanııalardyń basym bóligi atalǵan qalalarda ornalasqan. Olardyń Iranǵa eksportynyń úlesi 62,5% quraıdy. Sonymen qatar, Aqmola, Shyǵys Qazaqstan jáne Qostanaı oblystary da kóbirek eksporttaıdy.
Parsy shyǵanaǵy elderiniń naryǵy da Qazaqstan úshin qyzyǵýshylyq týdyrady. Máselen, eldiń “altyn” altylyǵyna (BAÁ, SAK, Bahreın, Oman, Katar, Kýveıt) ótken jyly 4,5 mln tonna qazaqstandyq AО́K ónimderi eksporttalǵan. Jambyl, Aqtóbe, Almaty, Shyǵys Qazaqstan oblystary jáne Nur-Sultan qalasy kóp eksport jasaǵan.
Túrkııaǵa Qazaqstan $113 mln somasyna 455 myń tonna AО́K ónimderin jetkizedi. Shyǵys Qazaqstan, Aqmola, Qostanaı oblystary men Nur-Sultan jáne Almaty qalalary belsene eksporttaıdy.
Qazaqstan Eýropa elderine $303 mln somasyna 900 myń t jýyq AО́K ónimin eksporttaıdy. Kóbinese Shyǵys Qazaqstan, Túrkistan, Soltústik Qazaqstan oblystary jáne Almaty, Nur-Sultan qalalary AО́K ónimderin eksporttaıdy.
«Orta Azııada biz О́zbekstanmen belsendi saýda júrgizemiz. О́tken jyly AО́K ónimderiniń eksporty $633 mln somasyna 3,9 mln tonnany qurady. Bul oraıda О́zbekstanǵa eksport boıynsha kóshbasshylardyń — Túrkistan, Qostanaı, Aqmola, Shyǵys Qazaqstan oblystary jáne Almaty q. úlesi 78,1% quraıdy», — dedi aýyl sharýashylyǵy vıse-mınıstri.
