Parlament Senaty Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Avtorlyq jáne sabaqtas quqyqtardy ujymdyq negizde basqarý tártibi týraly kelisimdi ratıfıkasııalaý týraly» zań jobasy qaraldy.
2017 jylǵy 11 jeltoqsanda Máskeý qalasynda Eýrazııalyq ekonomıkalyq komıssııasy Keńesiniń otyrysynda osy Kelisimge qol qoıylǵan bolatyn. Onda avtorlardyń, oryndaýshylardyń, fonogramma daıyndaýshylardyń (jasaýshylardyń), avtorlyq jáne sabaqtas quqyqtardy ózge de ıelenýshilerdiń avtorlyq jáne sabaqtas quqyqtardy is júzinde jeke túrde júzege asyrý qıyn bolǵanda nemese múshe memleketterdiń zańnamalarynda osy quqyqtardyń obektilerin quqyq ıelenýshilerdiń kelisiminsiz, biraq syıaqy tóleı otyryp paıdalanýǵa jol beriletin jaǵdaılarda, EAEO-ǵa múshe memleketterdiń aýmaqtarynda avtorlyq jáne sabaqtas quqyqtardy ujymdyq negizde basqarý tártibin belgileıdi.
Múshe memleketterdiń zańnamasynda aıqyndalatyn avtorlyq jáne sabaqtas quqyqtardy ujymdyq basqarý salalarynda quqyqtardy ujymdyq basqarý jónindegi uıymdardy qurý múmkindigi kózdeledi.
Kelisimge sáıkes, múshe memleketter ózderiniń zańnamasynda avtorlyq jáne sabaqtas quqyqtar obektilerin quqyq ıelenýshiniń ne uıymnyń kelisiminsiz paıdalanǵany, uıymnyń quqyq ıelenýshige jınalǵan syıaqyny tólemegeni, aýdıt jáne tekserý júrgizý jónindegi mindettemeni oryndamaǵany úshin jaýaptylyq belgileıdi.
Zań jobasy Palata qaraýyna jiberildi.
