Keńes barysynda QR Tuńǵysh Prezıdenti – Elbasy Nursultan Nazarbaevtyń besjyldyq kezeńge (2019–2023 jyldarǵa) qalanyń jınaqy qurylysy jónindegi Keshendi josparyn iske asyrý boıynsha, sondaı-aq, QR Prezıdenti Qasym-Jomart Toqaevtyń elordany damytý jónindegi tapsyrmalarynyń oryndalý barysy qaraldy. Júıeli máselelerdi sheshýge nazar aýdaryldy, olardyń qatarynda turǵyn úıdiń qoljetimdiligin arttyrý, áleýmettik nysandar salý, kólik ınfraqurylymyn damytý, magıstraldyq, oramishilik jáne aýlaishilik joldardyń jaı-kúıin jaqsartý, qoǵamdyq qaýipsizdikti qamtamasyz etý, kóshelerdi, saıabaqtar men basqa da qoǵamdyq oryndardy jaryqtandyrý, kommýnaldyq qyzmetter usynatyn qyzmetter sapasyn arttyrý, sondaı-aq shetkeri aımaqtardy damytý máselesi boldy.
Keshendi jospardyń iske asyrylýy jáne Nur-Sultan qalasyn damytýdyń ózekti máseleleri týraly qala ákimi B. Sultanov baıandady. О́z kezeginde, densaýlyq saqtaý mınıstri E. Birtanov, bilim jáne ǵylym mınıstri K. Shámshıdınova, aýyl sharýashylyǵy mınıstri S. Omarov, mádenıet jáne sport mınıstri A. Muhamedıuly, ındýstrııa jáne ınfraqurylymdyq damý birinshi vıse-mınıstri Q. О́skenbaev, qarjy birinshi vıse-mınıstri B. Sholpanqulov, sonymen qatar energetıka vıse-mınıstri M. Myrzaǵalıev beıindi baǵyttar boıynsha júrgizilip jatqan jumystar týraly habarlady.
QR Premer-Mınıstri A. Mamın Elbasy esimin ıelenýine baılanysty qalany damytýǵa jańa serpin alǵan elordanyń joǵary statýsyn atap ótti. Tarıhı turǵydan az ýaqyt ishinde shaǵyn qala iri megapolıske aınaldy, Nur-Sultan qalasynyń odan ári qarqyndy damýyn qamtamasyz etý qajet. Sondyqtan ınfraqurylym sapasy, elordanyń syrtqy keskin-kelbeti, azamattardyń ómir súrý jáne qolaılylyq deńgeıi memlekettik organdardyń jumysynyń basymdyqty baǵyttary bolýy kerek.
«Qalanyń damýyna erekshe kóńil bólý kerek, ınfraqurylymdyq máselelerdi sheshý boıynsha kúndelikti baqylaý jasap, sharalardy ýaqytyly qabyldaý kerek», — dedi A. Mamın.
Úkimet tarapynan bul baǵytta barlyq qoldaý sharalary kórsetiledi. Elbasynyń «Áleýmettik qamqorlyq» jańa áleýmettik bastamalary aıasynda Keshendi jospar men jobalardyń iske asyrylýyn qarjylandyrý tolyq kólemde qamtamasyz etiledi.
Keńesti qorytyndylaǵan Úkimet basshysy birqatar naqty tapsyrmalar berdi.
Nur-Sultan qalasynyń ákimdigine múddeli memlekettik organdarmen birlesip, Keshendi jospardyń is-sharalaryn sapaly ári ýaqytyly oryndaý boıynsha qajetti sharalardy qabyldaý, qala qurylysy men ınvestısııalyq jobalardy iske asyrý boıynsha aıtylǵan máselelerge qatysty naqty usynystardy ázirlep, engizý tapsyryldy.
QR Premer-Mınıstri A. Mamın «Astana» Halyqaralyq Qarjy Ortalyǵy Nur-Sultan qalasynyń ekonomıkasyn damytýdyń draıverleriniń birine aınalýy kerek ekenin atap ótti. Qajetti ınstıtýsıonaldyq quqyqtyq baza qurylǵan, AHQO qyzmeti úshin tıisti ınfraqurylym damytylǵan.
«Nur-Sultan qalasynyń ákimdigine sheteldik ınvestorlardyń kelýine jaǵdaıdy jaqsartý kerek, sonyń ishinde qolaıly ómir súrýdi, qaýipsiz ortany jáne aldyńǵy qatarly halyqaralyq standarttar deńgeıinde áleýmettik qyzmetterge qoljetimdilikti qamtamasyz etý qajet», — dedi A. Mamın.
