«Tyson Foods» amerıkandyq transulttyq korporasııasy - «JBS SA» kompanııasynan keıin taýyq, sıyr jáne t.b. etti qaıta óńdeýshi jáne dıstrıbıýtor bola otyryp, jyl saıyn AQSh-tan sıyr etiniń eń úlken paıyzyn eksporttaıdy. Kompanııa sondaı-aq kóptegen ulttyq meıramhanalar jelileri, sonyń ishinde jyldam qyzmet kórsetý meıramhanalary, kúndelikti, orta jáne joǵary asúı meıramhanalary úshin jetekshi et jetkizýshi pozısııasyna ıe.
«Valmont Industries, Inc.» aýyl sharýashylyǵy ónimderiniń ınfraqurylymy men naryqtaryn qurý boıynsha qyzmetter kórsetý men ónimderdi óndirýge mamandanǵan. Kompanııanyń tórt negizgi bıznes-segmentin atap ótýge bolady, atap aıtqanda qoldaýdyń ınjenerlik qurylymdary, jabyndar, ırrıgasııalyq jáne kommýnaldyq qurylystar. Kásiporyn 23 elde 6 qurlyqta ornalasqan 80-nen astam túrli óndiriste ónim shyǵarady.
«AGCO» korporasııasy - aýyl sharýashylyǵy jabdyqtarynyń álemdik jetekshi óndirýshisi, álemniń 140 elinde 3,100-den astam táýelsiz dıler men dıstrıbıýtorlar arqyly taratylatyn traktorlar, kombaındar, shabyndyqtar, búrikkishter, jemshóp daıyndaý jáne topyraq óńdeý jabdyqtarynyń tolyq assortımentin usynady.
Amerıkandyq bıznesmenderge Qazaqstannyń ınvestısııalyq klımatynyń damýy, respýblıkanyń agroónerkásiptik kesheniniń jetistikteri men áleýeti týraly aqparat usynyldy.
О́z kezeginde «Tyson Fresh Meats», «Valmont Irrigation» jáne «Global Beef Investors» ókilderi Aqmola oblysyndaǵy etti óndirý jáne qaıta óńdeý, ırrıgasııalyq júıelerdi jáne basqa da obektilerdi salý salasyndaǵy keshendi jobalardy iske asyrýǵa qyzyǵýshylyq tanytýda.
