«Bizdiń baǵalaýymyzǵa sáıkes, ınflıasııa aǵymdaǵy jyldyń qorytyndylary boıynsha nysanaly dáliz sheginde saqtalady». Bul týraly Qazaqstan Ulttyq Bankiniń Tóraǵasy Erbolat Dosaev QR Parlamenti Senatynyń otyrysynda sóz sóılegen kezde aıtyp berdi.
Ulttyq Banktiń basshysy qarjy retteýshisiniń ınflıasııa boıynsha nysanaly baǵdarlarǵa qol jetkizýge jáne ekonomıka ósýiniń qarqyndaryn ustap turýǵa baǵyttalǵan saıasatty jalǵastyratynyn atap ótti.
«Qazaqstan Ulttyq Banki ınflıasııalyq targetteý saıasatyn júrgizýin jalǵastyrady. Ulttyq Banktiń 2019 jylǵa arnalǵan negizgi maqsaty ınflıasııany 4-6% dálizde ustap turý bolyp tabylady. Jyldyq ınflıasııa 2019 jylǵy naýryzda ótken jyldyń sońyndaǵy 5,3%-ben salystyrǵanda 4,8%-ǵa deıin tómendedi», - dep habarlady E. Dosaev.
Qazaqstan Ulttyq Banki basshysynyń aıtýynsha, bazalyq mólsherleme aqsha-nesıe saıasatynyń negizgi quraly bolyp qalady. Qazaqstan Ulttyq Banki mólsherlemeniń deńgeıin eldegi naqty jáne kútiletin ınflıasııanyń mólsherlerine, tólem balansynyń jaı-kúıin anyqtaıtyn syrtqy faktorlarǵa, sondaı-aq ekonomıkalyq damýdy qoldaý qajettiligine qaraı belgileıdi.
E. Dosaev 4 naýryzda Qazaqstan Ulttyq Banki bazalyq mólsherlemeni 9,25% deńgeıinde qaldyrdy dep eske saldy. «Biz ınflıasııalyq kórsetkishterge qol jetkizý men ekonomıkanyń ósý qarqynyn saqtap qalý teńgerimine baǵyttalǵan bazalyq mólsherleme boıynsha saıasatty jalǵastyrýǵa nıettenemiz», - dep habarlady Qazaqstan Ulttyq Bankiniń Tóraǵasy.
«Valıýta naryǵynda jaǵdaı turaqty bolyp qalýda. Aǵymdaǵy jyldyń basynan bastan 2 sáýir aralyǵynda teńgeniń aıyrbastaý baǵamy jyl basynan 1,2%-ǵa nyǵaıdy. Aıyrbastaý baǵamy elimizdegi tólem balansy jaǵdaıyna, ıaǵnı shetel valıýtasynyń elimizdiń naryǵyna túsimi men ketýiniń teńgerimine baılanysty. Bul syrtqy kúızelisterdi barynsha azaıtýǵa jáne ekonomıkamyzdyń básekege qabilettilik kórsetkishterin saqtaýǵa múmkindik beredi», - dep túsindirdi E. Dosaev.
Qazaqstan Ulttyq Bankiniń Tóraǵasy aıtqandaı 2018 jyly tólem balansynyń aǵymdaǵy shotynyń aıtarlyqtaı jaqsarýy baıqaldy. Tapshylyq 2017 jylǵy 5,1 mlrd. AQSh dollarymen salystyrǵanda 0,1 mlrd. AQSh dollaryn qurady.
«Teńgeniń ózgermeli aıyrbastaý baǵamy saıasaty altynvalıýta rezervterin saqtaýǵa múmkindik beredi. 1 naýryzdaǵy jaǵdaı boıynsha Ulttyq Banktiń altynvalıýta rezervteri 29,2 mlrd AQSh dollaryn, Ulttyq qordyń aktıvteri – 59,0 mlrd AQSh dollaryn qurdy. Jalpy halyqaralyq rezervter 88,2 mlrd AQSh dollaryn qurady», - dep habarlady Ulttyq Bank Tóraǵasy.
Sonymen qatar E. Dosaev Memleket basshysy qoıǵan mindetterdi oryndaý sheńberinde Qazaqstan Ulttyq Bankiniń ekonomıkalyq ósýdi jáne uzaq merzimdi kredıtteýdi qoldaýdy qamtamasyz etý jónindegi bastamalardy iske asyrýdy jalǵastyratynyn atap ótti.
«7-20-25» baǵdarlamasyn iske asyrý sheńberinde ıpotekalyq kredıtter alýǵa berilgen ótinimderdiń jalpy sany 2019 jylǵy 30 naýryzdaǵy jaǵdaı boıynsha 125,4 mlrd teńge somaǵa 11 021 boldy. Onyń ishinde 75,2 mlrd teńge somaǵa 6 450 ótinim maquldandy jáne 60,4 mlrd teńgege 5 085 qaryz berildi», - dep habarlady E. Dosaev.
Qazaqstan Ulttyq Banki Tóraǵasynyń aıtýynsha, ekonomıkanyń basym salalaryn kredıtteý úshin 600 mlrd teńge somaǵa bankterdiń uzaq merzimdi ótimdilikti ıgerýi boıynsha sharalar qabyldanatyn bolady. 7% mólsherinde sýbsıdııalaýdy eskere otyryp, qaryz alýshylar úshin kredıtter boıynsha túpkilikti mólsherleme 8%-dan aspaıdy.
Qazaqstan Ulttyq Bankiniń basshysy agroónerkásip keshenine 200 mlrd teńge, al óńdeýshi ónerkásipke 400 mlrd teńgege deıin bólinetindigin de aıtty.
«ShOB iske asyratyn jobalardy kredıtteýge keminde 100 mlrd teńge jumsalatyn bolady. Sondaı-aq Qazaqstan Ulttyq Banki otandyq avtokólik satyp alýshylaryn 5 jyl boıy kredıtteý baǵdarlamasyn iske asyrýǵa 100 mlrd teńgege deıin jumsaıdy. Osy jyly 20 mlrd teńge bólinetin bolady», - dedi sózin qorytyndylaı kele E. Dosaev.
«Aqsha-nesıe jáne bıýdjet saıasatyn úılestirý Qazaqstan ekonomıkasynyń ornyqty damýynyń qajetti talaby bolyp tabylady», - dep atap ótti Ulttyq Bank basshysy. «2019-2021 jyldarǵa arnalǵan respýblıkalyq bıýdjetke ózgerister ólshemderi aǵymdaǵy jylǵy jekelegen makroekonomıkalyq kórsetkishterdi qaıta qaraýǵa negizdelgen. Qazaqstan Ulttyq Banki bul ózgeristermen kelisti jáne qoldady», - dep qorytyndylady E. Dosaev.
