Elbasynyń «Áleýmettik qamqorlyq» áleýmettik sharalaryn júzege asyrý aıasynda jańartylǵan ataýly áleýmettik kómek alýǵa qujattardy qabyldaý aǵymdaǵy jyldyń 1 sáýirinen bastap bastalǵan bolatyn. О́tinishter jumyspen qamtý ortalyqtarynda, halyqqa qyzmet kórsetý ortalyqtarynda, sondaı-aq aýyldyq ákimdikterde qabyldanady.
Aýyl turǵyndary aldynda sóz sóılegen vedomstvo basshysy áleýmettik kómektiń jańa formatyn engizýdiń arqasynda Qazaqstanda AÁK alýshylar sany 830 myń adamnan asady dep atap ótti, onyń ishinde Selınograd aýdanynda olardyń sany 12,3 myńnan 17,6 myń adamǵa deıin artady.
Mınıstr kópbalaly aýyldyqtar men jastarǵa jańa bıznes ıdeıalardy iske asyrý úshin 505 myń teńge kóleminde 10 myń memlekettik grant usynylatynyn atap ótti. Múgedektigi bar 5 myńǵa jýyq adam men kópbalaly analar úshin jeke isin ashýǵa 6,5 mln.teńgege deıin jeńildikti mıkrokredıt berý josparlanýda.
Aýdanda vedomstvo basshysy Qytaıdan kelgen kópbalaly oralman otbasynyń sharýashylyǵymen tanysty. «Eńbek» baǵdarlamasy boıynsha 4 mln teńge nesıe alyp sharýa qojalyǵyn uıymdastyrǵan otbasy tek iri qara men jylqyny ósirip qana qoımaı, sút ónimderin óndirip, satýmen aınalysady.
Sonymen qatar, elordada B.Saparbaev Saryarqa aýdanynyń halyqqa qyzmet kórsetý ortalyǵynda AÁK-ke ótinishterdi qabyldaý barysymen tanysty. Ol 1 sáýirden bastap áleýmettik kómekti taǵaıyndaý úshin jeke kýálik pen tıisti ótinish berý jetkilikti ekenin taǵy bir márte qujattardy qabyldaıtyn qyzmetkerlerdiń nazaryna saldy.
«Baıqońyr» aýdany ákimdigine barǵan kezde vedomstvo basshysy ataýly áleýmettik kómekke ótinish berýge kelgen elorda turǵyndarymen kezdesti, Mınıstr az qamtylǵan azamattarǵa áleýmettik qoldaý kórsetý sharalary boıynsha túsinikteme berdi jáne olardy qyzyqtyratyn suraqtarǵa jaýap berdi.
Elbasynyń tapsyrmasyna sáıkes, Qazaqstanda ú.j. 1 sáýirinen bastap AÁK kórsetý mólsheri kúnkóris deńgeıiniń 50% - nan 70% - ǵa deıin kóterilip, 20 789 teńgeni qurady. Nátıjesinde járdemaqy alýshylar sany 571,6 myń adamnan 830 myń adamǵa deıin ósedi. Bul rette, eger AÁK-tiń ortasha mólsheri otbasynyń árbir múshesine buryn 4 834 teńgeni quraǵan bolsa, sáýir aıynan bastap ár balaǵa 20 789 tg. tólenedi.
