Ishki ister mınıstrligi Tótenshe jaǵdaılar komıtetinde «Eldegi aǵymdaǵy sý tasqyny jaǵdaıy men TJ-nyń aldyn alý jáne olardy joıý boıynsha qabyldanyp jatqan sharalar týraly» taqyrybynda brıfıng ótti. Spıker bolyp QR IIM TJ komıtetiniń tóraǵasy Vladımır Bekker sóz sóıledi. О́tken táýlikte respýblıka aýmaǵynda turǵyn úılerdi, aýla aýmaqtaryn sý basý tirkelgen joq.
Aqmola oblysy boıynsha:
Qylshyqty ózenindegi sý deńgeıiniń tómendeýine baılanysty Kókshetaý qalasyndaǵy jaǵdaı turaqtandy. TJD jáne jergilikti atqarýshy organdardyń kúshimen sý basqan úılerden jáne aýla aýmaqtarynan sýdy sorý jumystary tolyq kólemde aıaqtaldy (barlyǵy 11000 tekshe metr). Qylshyqty ózenindegi sý deńgeıine táýlik boıy monıtorıng júrgizilýde. Izobılnoe a. gıdropostyna Ivanovka a. aýdanynda jáne Kókshetaý q.jaǵalaýdy bekitý jumystary júrgizildi, táýlik boıy monıtorıng júrgiziledi.
Sý tasqynyna qarsy is-sharalarǵa barlyǵy: 133 adam, 39 birlik tehnıka, jergilikti atqarýshy organdarynan 3 motopompa; 132 adam, 22 birlik tehnıka, 10 motopompa, oblystyq TJD 3 júzý quraly, onyń ishinde Nur-Sultan, Shymkent q.TJD kelgen kúshter, 1 adam jáne 1 birlik tehnıka jumyldyryldy.
Sý tasqynyna qarsy is-sharalar jalǵasýda.
Atbasar
aýdanynda Atbasar q. № 1 Indýstrıaldy-tehnıkalyq kolledji, túzetý mektebi
aýmaǵynda sý tasqynyna qarsy is-sharalar júrgizilýde (qaptardy tóseý).
Sonymen qatar Atbasar qalasyndaǵy temir
jol kópiriniń astynda Jabaı ózeninde muz jarý jumystary
júrgizilýde. Mamandar táýlik boıy ózenderdiń jaı-kúıine monıtorıng júrgizip,
jaǵdaıdy baqylaýda ustaıdy. Jabaı ózeniniń jaǵasynda eskertý belgileri
qoıylǵan.
Soltústik Qazaqstan oblysy boıynsha:
Sileti sý qoımasynan Izobılnoe a. (Aqmola oblysy) gıdropostyna sý aǵyzýdyń azaıýyna baılanysty Qulykól jáne Qaratal (Soltústik Qazaqstan oblysy) beketterinde Sileti ózenindegi sý deńgeıiniń 32 sm-ge aıtarlyqtaı tómendeýi baıqalady.
Qulykól aýylynda uzyndyǵy 4800 metr úıindi nyǵaıtý jumystary júrgizildi.
Jergilikti atqarýshy organdar TJD tobymen birlese otyryp, Qaratal jáne Qaırat eldi mekenderi arasynda Sileti ózeniniń arnasymen keptelisterdi aralap, monıtorıngileý jáne tazalaý jumystaryn júrgizdi.
Sý tasqynyna qarsy is-sharalarǵa barlyǵy: jergilikti atqarýshy organdardan 105 adam jáne 36 birlik tehnıka; oblystyq TJD 133 adam, 29 birlik tehnıka, 14 júzý quraly jáne 9 motopompa, onyń ishinde Nur-Sultan qalasy, Jambyl, Pavlodar oblystary TJD kelgen kúshter men quraldar, jergilikti polısııa qyzmetinen 12 adam jáne 2 birlik tehnıka jumyldyryldy.
Shyǵys Qazaqstan oblysynda (Besqaraǵaı aýdany) 3 jeke turǵyn úı sý astynda qaldy, Soltústik Qazaqstan oblysynda «M-36» «Ekaterınbýrg-Almaty» (795-856 shaqyrym) respýblıkalyq mańyzy bar avtomobıl joly arqyly 1 ret sý júrdi.
Pavlodar oblysy boıynsha:
4 sáýirde saǵat 06.10-da Pavlodar oblysynda «Qalqaman-Baıanaýyl-Úmitker-Ýlıanovskıı» respýblıkalyq mańyzy bar jolynyń 93-138 shaqyrymyndaǵy jol ýchaskesi jabyldy. Avtokóliktiń barlyq túrleri úshin qozǵalys toqtatyldy.
Sonymen qatar sý shaıyp ketýine baılanysty SQO-da «Ekaterınbýrg-Almaty» respýblıkalyq mańyzy bar joldyń 795-856 shaqyrymyndaǵyjol ýchaskesi jabyq bolyp otyr. Avtokóliktiń qozǵalysy Rýzaevka aýyly arqyly júzege asyrylady.
Qazgıdromet 29 naýryz jáne 2 sáýirde bergen daýyldy aldyn ala eskertýge sáıkes jaýyn-shashynnyń bolýyna jáne aýa temperatýrasynyń kóterilýine baılanysty 3-5 sáýir aralyǵynda Shyǵys Qazaqstan oblysynyń ózenderinde sý deńgeıiniń kúrt kóterilýi jergilikti taýdan sý aǵyp, muz keptelisteri oryn alýy yqtımal.
Jaýyn-shashynnyń bolýyna, keı jerlerde kúshti bolýyna baılanysty, 3-5 sáýir aralyǵynda Túrkistan oblysynyń taý bókterindegi aýdandarynda ózenderde sý deńgeıiniń kóterilýi kútiledi.
Aýa temperatýrasynyń kóterilýi, jaýyn-shashyn kútiledi degen boljamǵa baılanysty shyǵystaǵy ózenderde jergilikti jáne taýdan sý aǵyp, muz keptelisteri, sý deńgeıiniń tez kóterilýi kútilýde. Ońtústik-shyǵystaǵy jekelegen ózenderde sý deńgeıiniń kóterilýi yqtımal. Jaýyn-shashynnyń, keı jerlerde kúshti bolýyna baılanysty Túrkistan oblysynyń taýly aýdandarynda taýdan sý aǵyp, ózenderdegi sý deńgeıiniń kóterilýi yqtımal.
