Tasymaldaýshynyń atyna kelgen kóptegen ótinishter nazarǵa alynyp, Qazaqstan Respýblıkasy Indýstrııa jáne ınfraqurylymdyq damý mınıstrliginiń Kólik komıtetimen jáne Shyǵys Qazaqstan oblysy ákimdigimen «Astana-Nurly Jol-Rıdder» baǵytyndaǵy №375/376 jolaýshylar poıyzynyń júrý baǵytyn ózgertý jóninde jumystar júrgizildi.
Shyǵys Qazaqstan oblysynyń ákimdigi Semeı-Lokot jáne Shemonaıha-О́skemen-1 ýchaskelerindegi jolaýshylardy avtokólikpen tasymaldaýdy qamtamasyz etý sharalaryn qabyldaıdy jáne barlyq qajetti is-sharalar qamtamasyz etiledi.
Atalǵan poıyzdyń júrý baǵytyn ózgertý jolaýshylardyń jol júrý ýaqytyn 5 saǵatqa qysqartýǵa múmkindik beredi. Sondaı-aq tekserýge baılanysty memlekettik shekaranyń ótkizý pýnktterinde uzaq ýaqyt aıaldamaıtyn bolady. Jol júrý ýaqyty 23 saǵat 23 mınýtty quraıdy.
Jańa kestege sáıkes poıyz Astana-Nurly jol stansııasynan saǵat 19:30-da júredi, Rıdder stansııasyna saǵat 18:07-de jetedi. Rıdder stansııasynan 21:55-te shyǵady jáne Astana-Nurly jol stansııasyna saǵat 20:43-te keledi.
