Birikken Arab Ámirliginde Qazaqstan elshisi bolǵan Qaırat Lama Sharıf Syrtqy ister mınıstrliginiń erekshe tapsyrmalar jónindegi elshisi qyzmetine taǵaıyndaldy.
"Syrtqy ister mınıstrliginde jańa qyzmetke taǵaıyndaldym. Mınıstr Beıbit Atamqulovtyń úkimimen QR SIM erekshe tapsyrmalar jónindegi elshisi qyzmetine taǵaıyndaldym", dep jazdy Qaırat Lama Sharıf Instagram jelisindegi paraqshasynda.
Bıyl aqpanda Memleket basshysynyń Jarlyǵymen Qaırat Lama Sharıf BAÁ-degi elshi qyzmetinen bosatyldy. Ol bul qyzmetti 2013 jyldyń qazan aıynan bastap atqardy.
Dıplomat 2017 jylǵy 20 maýsymda Qazaqstan Prezıdenti Tótenshe jáne ókiletti elshiler úshin sheteldik mekemelerde úzdiksiz dıplomatııalyq jumystyń bes jyldyq merzimi belgilengen túzetýlerge qol qoıǵanyn atap ótti. 26 aqpanda Nursultan Nazarbaevtyń Jarlyǵymen Madııar Smádiluly Meńilbekov Qazaqstannyń BAÁ-degi jańa elshisi bolyp taǵaıyndaldy. Ár jyldary Qaırat Lama Sharıf Saýd Arabııasynd, Kýveıt, Oman, Bahreınde Elshi qyzmetin atqarǵan.
