Alaıda, atynan ańyz ergen sportshy arada aı ótpeı jatyp súıikti sportynan qol úze almaıtyny týraly jarty álemge jar saldy. Konordyń bul sheshimin sarapshylar san-saqqa júgirtýde. Biri bul kezekti jarnamalyq qadam dese, endi bireýler Konordyń MMA-ge degen mahabbaty dep topshylaýda.
Esimi álem sportyndaǵy eń tanymal sportshylardyń sanatynda atalatyn Konor MakGregor MMA talaby boıynsha óziniń sońǵy kezdesýin ótken jyldyń qazan aıynda ótkizip, reseılik Habıb Nýrmagamedovke ese jibergen bolatyn. Sport jankúıerleri qos kókjaldyń qaıta aıqasýyn asyǵa kútýde. Sózderine qaraǵanda, sharshy alańda qaıta júzdesýge eki sportshy da qarsy emes. Degenmen bul - UFC-diń quzyryndaǵy másele.
