QR Mádenıet jáne sport mınıstri Arystanbek Muhamedıuly Naýryz merekesiniń bar sharapaty kishkentaı búldirshinderge arnalýy kerek dep atap kórsetkendeı, alǵashqy qaıyrymdylyq kórsetilim 22, 24 naýryz kúnderi bolyp ótti.
Mereke kúnderi «Muzbalaq» mýltfılmin qazaq jáne orys tilderinde tegin tamashalaǵan 5 600 jas búldirshinniń qýanyshynda shek bolǵan joq. Ata-analar da ıgi is-sharanyń uıymdastyrýshylaryna óz alǵystaryn jetkizdi.
Naýryz merekesinen bastaý alǵan ıgi bastama áli de jalǵasyn tabýda.
7 sáýir kúni «QAZAQSTAN» ortalyq konsert zalynda «Kúltegin» mýltfılminiń qaıyrymdylyq kórsetilimi ótedi. Túrik qaǵanatynyń dańqty áskerı qolbasshysy Kúlteginniń erligi týraly baıandaıtyn bul mýltfılmdi QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ túsirgen.
7 sáýir kúni «QAZAQSTAN» OKZ-da kishkentaı kórermenderdi mýltfılmniń eki seansy kútýde. Anımasııa, grafıka jaǵynan sheteldik mýltfılmderden kem túspeıtin týyndy saǵat 15.00-de qazaq tilinde, al 17.00-de orys tilinde kórsetilmek. Mýltfılmniń kórsetilimine kirý barlyq balalar úshin tegin.
