«Batys» óńirlik qolbasshylyǵynyń «Oımasha» oqý-jattyǵý polıgonynda «Eldi mekenge shabýyldaý kezindegi batalondyq taktıkalyq top» taqyrybynda jalpyáskerı jáne desanttyq-shabýyldaý brıgadalarynyń komandırlerimen kórsetpeli ádistemelik-nusqaýlyq sabaqtary ótti.
Sabaqtardyń basty maqsaty - shabýyldaý jasaǵynyń quramy men yqtımal tapsyrmalaryn jetkizý, komandırlerdiń eldi mekenge shabýyldaýǵa bólimsheniń daıyndyǵy jóninde jumys erekshelikterin uǵynýy jáne shabýyldaý jasaý kezinde jeke quram men áskerı tehnıkanyń is-qımyldaryn kórsetý boldy.
Sabaqtar barysynda shabýyldaý jasaǵynyń quramyn tańdaý jáne eldi mekendi barlaý jónindegi máseleler qaraldy, sondaı-aq, eldi mekenge shabýyl jasaý kezinde batalondyq taktıkalyq top jeke quramy men áskerı tehnıkasynyń praktıkalyq is-qımyldary pysyqtaldy. «Batys» О́ńQ áskerleriniń qolbasshysy, general-maıor Qanysh Ábýbákirovtiń aıtýynsha, sabaqtar taqyryptarynyń ózektiligi zamanaýı áskerı qaqtyǵystardyń sıpaty men ýrbanızasııalanýdyń (kenttenýdiń) joǵary deńgeıi bolashaqta jaýyngerlik is-qımyldar kóbinese qalalyq jerlerde ótetinin joǵary yqtımaldylyǵymen baılanysty bolyp otyr.
