Úndistan Respýblıkasy Qarýly Kúshteriniń mobıldi-jattyqtyrý toby ekijaqty áskerı yntymaqtastyq sheńberinde Lıvanǵa attanatyn ekinshi qazaqstandyq bitimgershilik rotanyń jeke quramymen sabaqtar ótkizýde.
Sabaqtar baǵdarlamasy bitimgershilik mıssııalardyń negizgi túrleri boıynsha aýqymdy teorııalyq blokty, sondaı-aq áskerı-azamatyq qatynastyń quqyqtyq aspektileri men qaqtyǵys aımaǵynda beıbit halyqtyń qorǵalýyn qamtıdy.
Sabaqtar barysynda qazaqstandyq bitimgershiler BUU-nyń mıssııalarynda qajet qujattardy, kúshterdi qoldaný qaǵıdalary men dırektıvalardy, operasııalardyń tujyrymdamasyn, jaýyngerlik buıryqtar men t.b. zerdeleıdi. Teorııalyq blokty muqııat zerdelep, áskerı qyzmetshiler praktıkalyq sabaqtarda gýmanıtarlyq júkke ilesip júrý, ártúrli shıelenisterdi sheshý jónindegi tapsyrmalardy pysyqtaıdy, jedel bazany uıymdastyrý men kúzetý, blok beketterdi óristetý men BUU-nyń bitimgershilik mıssııasy sheńberindegi ózge de tapsyrmalardy biletinderin pash etedi. Qazaqstandyq bitimgershiler úshin trenıngtiń sharyqtaý shegi oqý-jattyǵý polıgondarynyń birinde ótetin «Kógildir dýlyǵalar» oqý-jattyǵýy bolady. Qazaqstandyq bitimgershilik polktiń alǵashqy qurama rotasynyń áskerı qyzmetshileri 2018 jylǵy qazannan bastap Lıvan Respýblıkasynda bitimgershilik mıssııany oıdaǵydaı oryndap jatqandaryn aıta ketý qajet. 120 áskerı qyzmetshi BUU-nyń «Beıbitshilik úshin qyzmet» medaldarymen marapattaldy. Qazaqstandyq bitimgershilerdiń rotasııasy 2019 jylǵy mamyrda ótedi.
