Halyqpen keri baılanysty ornatý boıynsha polısııa bólinisteri basshylarynyń turǵyndarmen jeke kezdesýin qamtamasyz etý maqsatynda júrgizilip jatqan aksııa oblystyń barlyq aýdandarynda jáne oblys ortalyǵynda ótkizilýde.
Oblys ortalyǵynda departament bastyǵy Muhıtov Qaırat Bolatuly bastaǵan qyzmetkerler toby azamattardy mobıldik qabyldaý júrgizip jatyr. Azamattardyń kóp jınalatyn oryndaryna arnaıy «Jolda qabyldaý» dep jazylǵan aqparattyq plakatpen rásimdelgen avtobýstar bardy. Osy mobıldik qabyldaý kezinde turǵyndarǵa elektrondyq úkimet portaly arqyly memlekettik qyzmetterdiń qoljetimdigi, onlaın rejımde aıyppuldy tóleý, tártip saqshylarynyń zańsyz áreketteri men sheshimderine shaǵymdaný tártibi týraly quqyqtyq keńester berilip jatyr.
Sonymen qatar, eki kún boıy Halyqqa qyzmet kórsetý ortalyǵy, tirkeý-emtıhan bólinisteri, jol-tehnıkalyq baqylaý jáne ákimshilik praktıka mamandary da jumys isteýde. Olardyń barlyǵy óz salalary boıynsha qandaı da bir máselemen kelgen azamattardyń suraqtaryna jan-jaqty jaýap berýde.
Aksııa barysynda osy ýaqytqa deıin 400-ge jýyq turǵyn túrli máseleler boıynsha mamandardan keńes aldy.
Sonymen qatar, oblys jáne qala turǵyndary departamenttiń áleýmettik paraqshalary jáne de «jedel jeli» arqyly tolǵandyrǵan saýaldaryn joldaı alady.
