Jumys tobynyń quramyna eńbek jáne halyqty áleýmettik qorǵaý mınıstri B. Saparbaev, bilim jáne ǵylym mınıstri K. Shámshıdınova, densaýlyq saqtaý mınıstri E. Birtanov, Qurylys jáne turǵyn-kommýnaldyq sharýashylyǵy isteri komıtetiniń tóraǵasy M. Jaıymbetov, Nur Otan partııasynyń hatshysy F. Qýanǵanov kirdi.
О́ńirdegi jumys sapary Ekibastuz qalasynyń ónerkásiptik jáne áleýmettik obektilerin aralaýmen bastaldy.
Premer-Mınıstrdiń orynbasary eńbek jáne halyqty áleýmettik qorǵaý mınıstrimen «B. Nurjanov atyndaǵy Ekibastuz 1-MAES» JShS bazasynda qala jáne aýdan ákimderimen, kásiporyn, bıznes-qurylym jáne kásibı odaq basshylarymen kezdesý ótkizdi.
«Ár kompanııaǵa áleýmettik jaýapty bolýǵa, óz jumyskerleriniń áleýmettik jáne turǵyn úı máselelerin sheshý boıynsha sharalar qoldanýǵa, ákimdikterge áleýmettik-eńbek salasyn damytýǵa kómektesýge umtylý qajet. Sondyqtan bul jumysty júıeli jalǵastyrý kerek», — dedi vıse-premer.
Budan ári olar jylyna 10 mln raýshan gúli men 4 myń tonna qyzanaq ósiretin «GreenHouse KZ» JShS jylyjaı keshenin aralady. Kásiporynda shamamen 200 adam jumys isteıdi, ortasha eńbek aqy 120 myń teńgeni quraıdy. Osy jyly az qamtylǵan halyq toptarynan ásirese áıelderdi qabyldaý úshin jańa 300 jumys ornyn qurý josparlanýda.
Sodan soń, G. Ábdiqalyqova men B. Saparbaev Elbasynyń bastamasy «7-20-25» baǵdarlamasy boıynsha páter alǵan temir ustasy N. Kenjebaev pen stanok operatory Q. Núrkeevtiń otbasylaryna bardy. Baspanaǵa bastapqy jarnany olar jumys isteıtin kásiporyn tóledi.
Vıse-premer men eńbek jáne halyqty áleýmettik qorǵaý mınıstri qurylysy júrip jatqan otyn-energııa salalary úshin kadrlardy daıyndaý men qaıta daıyndaýdyń óńiraralyq ortalyǵynda «Qaınar» bilim berý jáne demalys kesheni qyzmetimen tanysty jáne jastarmen kezdesti.
Kezdesýde aýyldan kelgen jas kásipker Ǵ. Áldibekov óz josparlarymen bólisti. О́z bıznesin ol 2,5 mln teńge somasynda jeńildik nesıemen «Damý» qory boıynsha bastady. Qazirgi kúni onyń sharýashylyǵynda 100 jylqy, 77 iri qara mal, 120 qoı bar. Ǵ. Áldibekov óz qurdastaryna aýylǵa kelip, mal jáne ósimdik sharýashylyǵymen aınalysýǵa shaqyrdy, bul úshin memlekettiń barlyq jaǵdaı jasaǵanyn atap aıtty.
Osy kúni jumys tobynyń ózge músheleri Pavlodar oblysynyń aýdandaryna bardy. Bilim jáne ǵylym mınıstri K. Shámshıdınova – Tereńkól aýdanyna, densaýlyq saqtaý mınıstri E. Birtanov –Maı aýdanyna, Qurylys jáne turǵyn-kommýnaldyq sharshýashylyǵy isteri komıtetiniń tóraǵasy M. Jaıymbetov – Pavlodar jáne Aqsý qalalaryna, Nur Otan partııasynyń hatshysy F. Qýanǵanov – Aqtoǵaı aýdanyna bardy.
Jumys tobynyń músheleri aýyl pedagogtarmen, densaýlyq saqtaý qyzmetkerlerimen kezdesti, densaýlyq saqtaý, bilim berý nysandaryn jáne mekemelerdi, qurylys alańdaryn aralap, halyqpen jeke qabyldaý ótkizdi.
