Saıasat • 06 Sáýir, 2019

S.Seıfýllın atyndaǵy QazATÝ-da zamanaýı stýdenttik emhana ashyldy

826 ret kórsetildi

S.Seıfýllın atyndaǵy Qazaq agrotehnıkalyq ýnıversıtetinde «Jastar jyly» aıasynda jáne «Elbasynyń bes áleýmettik bastamasy» baǵdarlamasynda kórsetilgen mindetterdi oryndaý maqsatynda zamanaýı stýdenttik emhananyń ashylý saltanaty ótti.

Sharaǵa Qazaqstan Respýblıkasy Densaýlyq saqtaý vıse-mınıstriQT.Nadyrov, QR Parlament Májilisiniń depýtattary S.Q.Ahmetov pen Z.D.Amanjolova, ýnıversıtet rektory A.Q.Kúrishbaev, Nur-Sultan qalasy ákiminiń orynbasary N.J.Nurkenov«Nur-Sultan qalasynyń Qoǵamdyq densaýlyq saqtaý basqarmasy» MM basshysy m.a. Á.Sh.Rústemova, qoǵam qaıratkeri N.M.Petýhova, sonymen qatar Nur-Sultan qalasy máslıhatynyń depýtattary, № 5 qalalyq emhananyń bas dárigeri A.J.Tabýldına qatysty.

Ýnıversıtet rektory Aqylbek Qajyǵululy «Bilim ordasynda stýdentterdiń áleýmettik qoldaýyna úlken kóńil bólinedi. Respýblıka boıynsha JOO janyndaǵy stýdenttik emhanalar tek L.N.Gýmılev atyndaǵy EUÝ men Ál-Farabı atyndaǵy QazUÝ-da ǵana bar. Endigi kezekte bizdiń stýdentterimiz de eshqaıda barmaı-aq óz emhanamyzda qyzmet alatyn bolady. Sonymen qatar, jańa format ýnıversıtet pen №5 qalalyq emhanasynyń seriktestigi nátıjesinde júzege asyp otyr»,- dedi.

Stýdenttik emhanada 13 myńǵa jýyq bilim alýshy tirkelgen.  Olarǵa tórt aımaq boıynsha 4 dáriger-terapevt, nevropatolog, kardıolog mamandary jáne 7 medbıke qyzmet kórsetedi. Dárigerlerge jazylý «Smart Astana» jáne «DamýMed» elektrondy qosymshasy kómegimen júzege asady.

Dárigerlik bólmeler stýdenttik qalashyqtyń jataqhanalarynyń birinde 300 sharshy metr aýmaqta oryn tepken. Emhanada jalpy praktıka dárigeri, salalyq mamandar men psıhologtyń kabınetteri, emshara jáne tekserý kabınetteri, EKG dıagnostıkalyq taldaýlary men tekserýleriniń bólmeleri talaptarǵa saı jabdyqtalyp, kútý aımaǵy da qarastyrylǵan. Stýdenttik emhanada prosedýralyq kabınet, qan alý bólimi, elektrokardıogramma (EKG), ýltradybystyq zertteýler (ÝZI), dárigerdi úıge shaqyrtý (stýdenttik jataqhanalarǵa) qyzmetteri kórsetiledi.

Basqarma Tóraǵasy A.Q.Kúrishbaevtyń bastamasymen ashylǵan jańa emhana elordanyń joǵary oqý ordasynyń stýdentterine sapaly jáne ýaqytyly medısınalyq kómek kórsetýge ǵana emes, sonymen qatar jastarǵa densaýlyqty nyǵaıtý boıynsha usynystar berýge, salaýatty jáne belsendi ómir saltyn nasıhattaýǵa múmkindik bereri anyq.

Sońǵy jańalyqtar

Atyraý oblysynda 77 brakoner anyqtaldy

Aımaqtar • 23 Qyrkúıek, 2022

Novak Djokovıch Qazaqstanǵa keledi

Tennıs • 23 Qyrkúıek, 2022

Atyraýda qonaqúıden órt shyqty

Oqıǵa • 23 Qyrkúıek, 2022

Bolgarııada tótenshe jaǵdaı jarııalandy

Oqıǵa • 23 Qyrkúıek, 2022

Uqsas jańalyqtar