Baspasóz-konferensııasyna QR Qarjy Mınıstrligi Memlekettik kirister komıtetiniń Tóraǵasy orynbasarynyń mindetin atqarýshy Qýat RAHIMOV qatysty.
Aǵymdaǵy jyldyń 30 naýryzynda Vedomstvaaralyq ózara is-qımyl sheńberinde Qazaqstan men Qyrǵyz keden qyzmetteri basshylarynyń jumys kezdesýi ótip, taraptar eki eldiń kedendik ákimshilendirý jaı-kúıin, sondaı-aq problemalyq máselelerdi jáne aldaǵy yntymaqtastyq týraly talqylady.
Atap aıtqanda, Taraptar Eýrazııa ekonomıkalyq odaǵy elderiniń bıýdjetine shyǵyn keltiretin, Qytaıdan Qyrǵyzstanǵa ımporttalatyn taýarlardyń kedendik qunyn tómendetip kórsetý faktilerin at ap aıtty.
Osyǵan oraı, sondaı-aq memlekettik kirister organdaryna jáne Qazaqstan Respýblıkasy Ulttyq qaýipsizdik komıtetiniń Shekara qyzmetine Memlekettik shekarada ekonomıkalyq múddelerdi qorǵaý fýnksııasy bekitilgenin nazarǵa ala otyryp, Jambyl oblysynda ornalasqan ótkizý pýnktterinde, QHR-da shyǵarylǵan jáne Qazaqstan Respýblıkasy aýmaǵyna ákelinetin jáne Qazaqstan Respýblıkasynyń aýmaǵy arqyly Reseı Federasııasyna baratyn taýarlarǵa qatysty tekserý sharalary ótkizilýde.Mundaı taýarlarǵa qatysty taýarǵa ilespe qujattarda kórsetilgen aqparattyń, kólik quraldarynda taýarlardyń naqty bolýy sáıkestigine tekserý júrgiziledi.
Sonymen qatar, qyrǵyzstannyń taýarlary Qazaqstan Respýblıkasynyń Memlekettik shekarasy arqyly kedergisiz ótkiziledi.
Kezdesý qorytyndysy boıynsha taraptar jalǵan deklarasııany anyqtaý, qunynyń durys bolýyn qamtamasyz etý jáne ımporttalatyn taýarlar týraly aqparat almasý jóninde sharalar qabyldaýǵa ýaǵdalasty.
Búgingi kúni Qyrǵyzstan Respýblıkasy Memlekettik keden komıtetiniń qyzmetkerleri Qazaqstan Respýblıkasynyń aýmaǵyndaǵy baqylýshy retinde Qyrǵyz bıznes-qoǵamdastyǵymen túsindirý jumystaryn júrgizýde.
Qazaqstan Respýblıkasyna ımporttalatyn, sondaı-aq Reseı Federasııasyna tranzıtpen ótetin Qyrǵyz Respýblıkasynyń taýarlary shekaradan erkin ótedi.
Osylaısha, aǵymdaǵy jyldyń 27 naýryzynan 4 sáýirine deıin Qazaqstan Respýblıkasyna 265 avtokólikte qyrǵyz taýarlary ımporttaldy jáne Qazaqstan Respýblıkasynyń aýmaǵy arqyly tranzıtpen 455 avtomomashına ótkizildi.
Taýarǵa ilespe qujattary taýarlardyń naqty sanymen jáne taýarlardyń bolýyna sáıkes kelmeıtin tasymaldaýshylardyń Qazaqstan Respýblıkasynyń aýmaǵyna ákelýine jol berilmeıdi. Mundaı kólik quraldary taýarǵa ilespe qujattaryn sáıkestikke keltirý úshin keri qaıtarylady.
Joǵaryda kórsetilgen kezeńde 18 jete tekserý júrgizildi, olardyń sáıkessizdikti kórsetti jáne 1 kólik quralynda tasymaldanatyn taýarlardyń qujattary joq boldy. Sonymen qatar, 102 kólik quraly erikti túrde taýarǵa ilespe qujattaryn usynbastan keri qaıtarylyp, Qyrǵyz Respýblıkasynyń aýmaǵyna ketti.
Qazaqstan Respýblıkasynyń Memlekettik shekarasyndaǵy ótkizý pýnktterinde avtokólik quralarynyń jınalyp qalýy baıqalmaıdy.
