Is-sharanyń maqsaty turǵyndardyń quqyqtyq mádenıetiniń deńgeıin kóterý, azamattarmen zańdy tulǵalardyń ókilderine tegin zań keńesterinusyný jáne týyndaǵan problemalyq máselelerdiń sheshimin tabýǵa quqyqtyqkómek kórsetý bolyp tabylady.
«Nur Otan» partııasy Mańǵystaý oblystyq fılıalynyń qoǵamdyq qabyldaý bólmesiniń sarapshysy Gúlzıhan Tasqymbaevanyń aıtýynsha, ádildik izdep ár kabınettiń esigin tozdyryp júrgen jandar az emes jáne olardyń suraqtary kóbine jaýapsyz qalyp jatady.
О́ńirde quqyqtyq máseleler jóninde keńes berýshi mekemeler kóp, alaıda olar qyzmet túrlerin aqyly túrde kórsetedi, ıaǵnı ekiniń biriniń qaltasy kótere bermeıdi. Sol sebepti «Ádilet keńes beredi» atty sharalardy ótkizý mańyzdy, sebebi quqyqtyq kómekter tegin kórsetiledi. Onyń ústine osyndaı aksııalar kóbine «Nur Otan» partııasymen birlesip ótiziledi, sebebi bul halyqtyń partııaǵa degen seniminiń artyp keletindigin kórsetip otyr.
-Kómek surap kelgen turǵyndardy muqııat tyńdap shyqtyq. Tájirıbeli mamandar kóterilgen barlyq suraqtar boıynsha tegin keńes berdi. Jalpy aıtylǵan barlyq máseleler oń sheshimin tabady deýge bolady, tek quqyqtyq jaǵynan saýattyraq bolsa alynbaıtyn qamal joq. Bizdiń oıymyzsha osyndaı formatta ókiziletin sharalar azamattarǵa tegin quqyqtyq kómek berýmen shektelmeıdi, bul óz kezeginde azamattyq qoǵam tarapynan memlekettik organdardyń qyzmetine qoǵamdyq baqylaý júrgizýine septigin tıgizedi. Búginde bul óte mańyzdy. Tájirıbe kórsetip otyrǵandaı, zańgerler kómegine júginetinder kóp jáne kóterilgen problemalardyń basym bóligi óziniń sheshimderin tabýda», dedi ol.
Tegin quqyqtyq kómek alý boıynsha partııanyń qoǵamdyq qabyldaý bólimine aldyn-ala 5 adam jazylǵan. Al keńes alǵandar sany 20 adamnan asyp jyǵyldy. Suraqtardyń deni alıment tóleýden bas tartý, memlekettik baǵdarlama boıynsha baspanaly bolý, ekinshi deńgeıli banktermen zańsyz nesıe berý, sot sheshimine sáıkes aqsha óndirý boıynsha sot oryndaýshylarynyń kómegine júginý jáne t.b.
Keıbir ótinishterdi tájirıbeli zańgerler ózderiniń jeke baqylaýyna alatyndaryn aıtyp sendirdi jáne aldaǵy ýaqytta oń sheshimin tabýǵa yqpal etetindigin aıtsa, al aryz-shaǵymdardyń jaýapsyz qalmaýyn «Nur Otan» partııasy óziniń baqylaýynda ustaıtyn bolady.
Mańǵystaý oblysy
