Sharaǵa «Nur Otan» partııasy Mańǵystaý oblystyq fılıaly, depýtattar, bilim basqarmasy, demeýshiler, mesenattar, ata-analar jáne BAQ ókilderi qatysty.
«Nur Otan» partııasy Mańǵystaý oblystyq fılıaly baspasóz qyzmetiniń habaralýynsha, «Nur Otan» partııasy úshin bilimdi bolýǵa nıetti oqýshylardyń jolyn ashý, densaýlyǵy tómen balalarǵa áleýmettik kómek pen qoldaý kórsetý, qoǵamnyń nazaryn aýdarý maqsatyndaǵy bastamalarǵa qoldaý kórsetý dástúrge aınalǵan. Iаǵnı, balalardyń qatysýymen ótetin barlyq sharalarǵa qatysyp olarmen birge qýanyshty sátterdi birge ótkizýge árdaıym ýaqyt taýyp keledi.
Sondaı-aq, jaǵdaıy tómen otbasylarǵa kómek qolyn sozý nazardan tys qalǵan emes. Arnaıy balalaqsha tárıbelenýshileriniń aldynda sóz sóılegen «Nur Otan» partııasy Mańǵystaý oblystyq fılıalynyń ıdeologııalyq jáne qoǵamdyq-saıası jumysar bóliminiń meńgerýshisi Dınara Qaımoldına, elimizde «Nur Otan» partııasynyń bastamasymen birqatar jobalar júzege asyp jatqandyǵyn, sonyń biri – «Kedergisiz keleshek» áleýmettik jobasy ekendigin aıtty. Onyń aıasynda múmkindigi shekteýli jandarǵa barynsha qoldaý kórsetilýde ekendigin alǵa tartty. Sondaı-aq, alda jańa oqý jyly kele jatqandyǵyn jáne mektep tabaldyryǵynan attaǵaly otyrǵandarǵa oqýda ozat bolýǵa tilektestigin bildirip, mesenattar esebinen alynǵan mektepke qajetti oqý quryldaryn tabystady.
-Árbir adam jaqsylyq jasaýǵa umtylsa degen tilegimiz bar. Osyndaı balalarǵa árdaıym qamqorlyq jasalsa nur ústine nur bolary sózsiz. Olarǵa eń bolmaǵanda kúlki syılap, janynan tabylsaq jetip jatyr. Sonda ǵana olar kez-kelgen ortada ózderin erkin sezinedi, alǵa jyljýǵa degen umtylysy bolady. Aınalamyzda múmkindigi shekteýli jandardyń kóp ekendigin umytpaǵanymyz abzal, olardyń birdiń qoǵamnyń tolyqqandy múshelery bolyp tabylady, deıdi D.Qaımoldına.
Mekeme basshylyǵy men balabaqsha tárbıelenýshileri meımandarǵa ózderiniń alǵystaryn tek sózben jetkizip qana qoıǵan joq. Án salyp, bı bılep, tanymal aqyndardyń óleńderin oqyp berdi. Osylaısha kózderi nashar kórse de, olardyń ómirge degen qushtarlyǵy basym ekendigi baıqalyp turdy. Eń bastysy qoǵamdyq ómirge tez aralsyp kete alatyndyǵyn kórsetti, tipti qarańǵy jerde jaryq syılaı alatyndaı áser qaldyrdy.
Shara aıaqtalǵan soń, nurotandyqtar jańa oqý jyly qarsańynda taǵy bir jolyǵatynyna senim bildirdi. Aıta ketý kerek, atalmysh arnaıy balabaqshanyń 42 tárbıelenýshisi bıyl mektep tabaldyryǵynan attamaq.
Sondaı-aq, bul kúni «Nurly Aqtaý» qoǵamdyq birlestiginiń ókili 9 búldirshinge "Jarqyra" kóz qorǵaý kabınetinen tegin em alýǵa sertıfıkat tabystady.
Mańǵystaý oblysy
