Vıse-premer men eńbek jáne halyqty áleýmettik qorǵaý mınıstri Halyqty jumyspen qamtý ortalyǵyna, Halyqqa qyzmet kórsetý ortalyǵyna jáne «Open Pavlodar» front-ofısine baryp, ol jerde olardyń jumysyn tekserdi.
1 sáýirdegi jaǵdaı boıynsha 1368 jumys berýshiden 2800 bos jumys orny bar. 2053 jumys izdep júrgen adam tirkeldi, turaqty jumys ornyna – 1262, áleýmettik jumys oryndaryna – 121, jastar praktıkasyna – 52, qoǵamdyq jumystarǵa – 364 adam tirkeldi. 48 otbasyny kóshirýge arnalǵan memlekettik qoldaý sharalary boıynsha qarajat bólindi.
Odan keıin Pavlodar oblysynyń halqymen kezdesý ótti.
«Búginde memleket halyqtyń az qamtylǵan tobyn áleýmettik qoldaý kórsetýge baǵyttalǵan sharalardy qabyldanýda. 1 sáýirden bastap ataýly áleýmettik kómekti taǵaıyndaý tómengi kúnkóris deńgeıiniń 70% arttyryldy jáne 20 789 teńgeni quraıdy, mamyr aıynan bastap jaldamaly baspana berý bastalady, al 1 maýsymnan bıýdjettik salanyń jalaqysy tómen qyzmetkerleriniń jalaqysy arttyrylady. Bilim berý jáne densaýlyq saqtaý júıesiniń qyzmet kórsetý sapasyn arttyrý boıynsha sharalar qabyldanady», — dedi G. Ábdiqalyqova.
Kezdesý sońynda Gúlshara Ábdiqalyqova azamattarmen jeke qabyldaý ótkizdi. Ol basshylyqqa jumyssyz júrgen Aıdar Qalymovty «Lıder Plast-PV» JShS áleýmettik jumys ornyna 120 myń teńge jalaqymen menedjer retinde jumysqa ornalastyrýǵa járdemdesýdi tapsyrdy.
Pavlodar oblysyna jumys saparynyń qorytyndysy boıynsha QR Premer-Mınıstriniń orynbasary G. Ábdiqalyqova birqatar tapsyrma berdi.
