Sapardyń alǵashqy kúni qazaqstandyq SIM basshysynyń orynbasary oblystyq Investorlarǵa qyzmet kórsetý ortalyǵyna bardy, sondaı-aq "Aqtóbe" ındýstrıalyq aımaqtyń aýmaǵynda ornalasqan jobalarymen tanysty.
Jumys sapary barysynda E. Kósherbaev Aqtóbe oblysynyń Investorlardy tartý jáne ınvestısııalyq ahýalyn jaqsartý jónindegi óńirlik keńestiń otyrysyna qatysty, onyń qorytyndysy boıynsha óńirlik ınvestorlardyń suraqtaryna jaýap berdi.
Syrtqy saıası vedomstva basshysynyń orynbasary saparynyń negizgi is-sharasy bolyp, oblys ákimi Orazalın Ondasyn, Nıderlandy Koroldiginiń QR-daǵy Tótenshe jáne О́kiletti Elshisi Dırk Iаn Korp jáne QR-daǵy Majarstannyń Tótenshe jáne О́kiletti Elshisi Andrash Baranı qatysýlarymen ótken gollandııalyq «Food Ventures» TOO «Green Capital Kazakhstan» kompanııasynyń jylyjaı kesheniniń resmı túrde iske qosylýy bolyp tabyldy,
Joba "QazAgro" korporasııasy jáne Vengerlik "Eksımbank" qarjylandyrdy. Sondaı-aq, "Green Capital Kazakhstan" qurylysyna "Food Ventures"ınvestısııa saldy. 2019 jyly jobany iske asyrýǵa 3,5 mlrd.teńge bólindi, 60 jumys orny ashyldy. Aýdany 5 gektar jylyjaı seksııasy salyndy.
Kelesi kezeńdi iske asyrý kezinde 2020-2020 jyldary taǵy eki seksııa ashylady, oǵan ınvestorlar 8,6 mlrd.teńge jumsaýdy josparlap otyr.
Aıta ketý kerek, Qazaqstanǵa tek aqsha qarajaty ǵana emes, tehnologııalar transferti de ınvestısııalandy: atalǵan jylyjaıda besinshi urpaqtyń eń jańa tehnologııasy, Gollandııanyń ózinde birneshe sharýashylyqtarda ǵana engizilgen ýltra klımattyq júıe qoldanylǵan. Bul joǵary tehnologııalyq prosess bıologııalyq qorǵaý men resırkýlıasııanyń ýltra zamanaýı prınsıpterimen úılese otyryp barynsha ónim alýǵa múmkindik beredi.
Jylyjaı kesheninde qyzanaqtan basqa bolashaqta baklajandar da otyrǵyzylmaq, ónimdi ótkizý naryǵy: bul Aqtóbe oblysy, Nursultan, Almaty, Shymkent qalalary, Qazaqstannyń basqa da óńirleri, sondaı-aq Reseı, eksport úlesin 80% - ǵa deıin jetkizý josparlanyp otyr.
Kásiporyn tolyq qýatqa shyqqan kezde jylyjaıda 12-15 myń tonna kókónis jınaıtyn bolady.
"Qazaqstannyń Tuńǵysh Prezıdenti-Elbasy ınvestısııa tartý máselesine erekshe kóńil bóledi, búginde Qazaqstanda ınvestorlar úshin barlyq jaǵdaı jasalǵan, respýblıkanyń ınvestısııalyq ahýalyn jetildirý boıynsha turaqty jumys júrgizilýde. 2018 jylǵy jeltoqsanda QR Syrtqy ister mınıstrligine ınvestısııalardy tartý jáne eksportty úılestirýdi keńeıtý jónindegi fýnksııalar berildi. Qazirgi ýaqytta biz "Shet elderdegi mekemeler – Ortalyq – О́ńir" formatynda keshendi ekojúıeni qurýdamyz.
E. Kósherbaev "Búgin biz gollandııalyq "Food Ventures" jylyjaı kesheniniń ekinshi kezeńiniń iske qosylǵanyna kýá boldyq, Qazaqstanda osy saladaǵy iri kásiporyndardyń biri salyndy -qazaqstan-vengrııa qoryn qarjylandyrý aıasynda gollandtyq tehnologııa boıynsha jylyjaı. Bul joba Qazaqstan Respýblıkasy men Nıderland Koroldigi arasyndaǵy saýda-ekonomıkalyq qatynastardy odan ári nyǵaıtýǵa yqpal etetin bolady dep senemin" - dep atap ótti.
QR SIM-niń ınvestısııalardy tartý jónindegi memlekettik saıasatty júrgizýde negizgi baǵyttarynyń biri, bıýrokratııa men áýre-sarsańǵa salýshylyqqa jol bermeıtin áleýetti ınvestorlar úshin biregeı jaǵdaılar jasaý bolyp tabylady, dál osyndaı qural ınvestorlarǵa qyzmet kórsetýdiń óńirlik front-ofısteri bolýǵa tıis.
Aqtóbe oblysynyń bul máselede maqtana alady,munda bir jerde "bir tereze" qaǵıdaty boıynsha ınvestorlar úshin barlyq qyzmetter kórsetiledi. Oblystyń taǵy bir "noý-haý" - Aqtóbe óńiriniń ónimderin Aspan asty naryqtaryna jyljytý jáne ınvestısııa tartý úshin Qytaıda óńirdiń ókildigin ashý.
Nıderlandy Qazaqstandaǵy iri ınvestorlardyń biri bolyp tabylady, jalpy respýblıkada golland kapıtalynyń qatysýymen myńnan astam kompanııa jumys isteıdi, al 2005–2018 jyldary elimizge Nıderlandydan 82,8 mlrd. AQSh dollary tartyldy, bul bizdiń elimizge tikeleı sheteldik ınvestısııalardyń jalpy aǵynynyń úshten birin quraıdy.
Esterińizge sala keteıik, ótken jyly eki el arasyndaǵy taýar aınalymy 6,5 mlrd. AQSh dollaryn qurady, eksport - 6,2 mlrd. AQSh dollaryna jetti, al ımporttyń somasy 0,3 mlrd. AQSh dollaryna jetti.
