Aıtýly jarysta sý dobynan Qazaqstan quramasy qaı eldiń ókilderimen kúsh synasatyny belgili boldy. Bizdiń sportshylar «S» tobynda óner kórsetedi. Qarsylastarymyz – Kýba, Grekııa jáne Ispanııa vaterpolshylary. О́zge toptardaǵy básekeler myna komandalar arasynda ótedi: «A» toby – Ońtústik Afrıka Respýblıkasy, Gollandııa, AQSh jáne Jańa Zelandııa. «V» toby – Reseı, Kanada, Vengrııa jáne Ońtústik Koreıa. «D» — toby – Italııa, Japonııa, Qytaı jáne Avstralııa.
Osynyń aldyndaǵy álem chempıonaty 2017 jyly Vengrııanyń bas shahary – Býdapeshte ótti. Áıelder arasyndaǵy básekede AQSh-tyń arýlary altynnan alqa taǵynsa, kúmis jáne qola medaldi Ispanııa men Reseı ıelendi. Erler saıysynda Horvatııa top jarsa, Vengrııa men Serbııa quramalary ekinshi jáne úshinshi oryndardy enshiledi.
