Svetlana Baǵytqyzy Ispýsınova Zııatkerlik mektepter júıesinde 2009 jyldan beri qyzmet etip keledi. Ol adamı resýrstardy basqarý departamentiniń dırektory, atqarýshy dırektor laýazymdarynda istep, 2012 jyldyń qyrkúıek aıynan bastap - Basqarma tóraıymynyń orynbasary qyzmetin atqaryp keledi.
Ol barlyq kásibı biliktiligin bilim berý júıesine arnalǵan. 1978 jyly Gýrev pedagogıkalyq ýnıversıtetin «tarıh jáne qoǵamtaný» pániniń muǵalimi mamandyǵy boıynsha bitirgen. Tarıh, memleket negizi men quqyǵy pánderiniń muǵalimi, synyptan jáne mektepten tys is-sharalardy uıymdastyrýshy, Atyraý jáne Taraz qalalarynda mektep dırektory qyzmetterin atqarǵan. 1999 - 2002 jyldary Atyraý oblysy bilim basqarmasynyń basshysy, 2003 -2007 jyldary QR Bilim jáne ǵylym mınıstrliginde bólim basshysy, Mektepke deıingi jáne orta bilim berý departamentiniń dırektory, 2007 - 2008 jyldary «SIT» AQ Innovasııalyq tehnologııalar departamentiniń dırektory, «Kazsatnet» AQ Paıdalaný departamenti dırektorynyń orynbasary qyzmetterin atqarǵan.
«Qazaqstan Respýblıkasy bilim salasynyń úzdigi» jáne «Qazaqstan Respýblıkasy bilim berýdiń qurmetti qyzmetkeri» tósbelgisimen, «Qazaqstan Respýblıkasynyń táýelsizdigine 10 jyl», «Qazaqstan Konstıtýsııasyna 20 jyl», «Eren eńbegi úshin» medaldarymen marapattalǵan.
