Jalǵyz aksıoner – QR Sıfrlyq damý, qorǵanys jáne aeroǵarysh ónerkásibi mınıstrliginiń sheshimimen Ásemgúl Baltasheva «Azamattarǵa arnalǵan úkimet» memlekettik korporasııasynyń tóraıymy bolyp taǵaıyndaldy.
Baltasheva Ásemgúl Serikqyzy 1977 jyldyń 8 shildesine dúnıege kelgen. Pavlodar memlekettik ýnıversıtetin (mamandyǵy – «býhgalterlik esep sharýashylyqtaǵy baqylaý jáne saraptama»), Qaraǵandy memlekettik tehnıkalyq ýnıversıtetin (mamandyǵy – «ekonomıka jáne menedjment») támamdaǵan.
1997-2011 jyldar aralyǵynda «Qazaqtelekom» AQ túrli laýazymdarda qyzmet atqarǵan. 2011-2012 jj. «Halyqqa qyzmet kórsetý ortalyǵy» RMM basqarǵan. Keıin «Halyqqa qyzmet kórsetý ortalyǵy» RMK-da dırektor orynbasary, bas dırektor qyzmetterin atqarǵan. 2016 jyly «Azamattarǵa arnalǵan úkimet» memlekettik korporasııasy qurylǵan shaqta memlekettik qyzmetterdiń kórsetilýi dıreksııasyna basshylyq etti. 2017 jyldyń mamyr aıynan bastap «Azamattarǵa arnalǵan úkimet» memlekettik korporasııasynyń basqarma tóraǵasynyń orynbasary qyzmetin atqarǵan.
