Is-shara baǵdarlamasy arab álemindegi Tórtinshi ónerkásiptik revolıýsııa, ekonomıkanyń jańa úlgisin qalyptastyrý, óńirdiń aldynda turǵan ortaq syn-qaterlerdi sheshý úshin nusqaýlyq, kóptujyrymdamalyq álemde ortaq túıisý núktelerin izdestirý jáne salalyq dıalogtardyń bolashaǵy sııaqty máselelerdi qamtydy.
Forým Iordanııa Koroli II Abdallanyń qoldaýy jáne qatysýymen uıymdastyryldy. Is-shara myńdaǵan memlekettik, iskerlik jáne qoǵamdyq kóshbasshylardy óńirdegi jáne búkil álemdegi tereń ekonomıkalyq, áleýmettik jáne geosaıası ózgeristerdiń kezeńinde dıalog pen ortaq is-qımyldar úshin jańa joldardy qalyptastyrý maqsatynda jınady. DEF memlekettik-jekemenshik áriptestik jónindegi halyqaralyq uıym bola tura, álemniń iri kompanııalarynyń, úkimetterdiń jáne azamattyq qoǵamnyń ókilderin memlekettik jáne jekemenshik sektorlardyń arasyndaǵy yntymaqtastyqty óńirdiń bolǵashaǵyna qatysty mańyzdy máseleler boıynsha damytý úshin biriktirdi.
Forýmnyń aıasynda Qazaqstan syrtqy saıasat vedomstvosynyń basshysy shet memleketterdiń jáne halyqaralyq bıznestiń ókildermen birqatar kezdesýler ótkizip, yntymaqtastyqtyń ózekti máselelerin talqylady.
DEF negizin qalaýshysy jáne Atqarýshy tóraǵasy Klaýs Shvabpen elimizdiń osy jahandyq saraptaý uıymymen on bes jyldyq áriptestiginiń qorytyndylaryn talqylandy. DEF-tiń talqylaý alańdarynda týyndaǵan ıdeıalar halyqaralyq sıpattaǵy mańyzdy sheshimderdiń negizine jıi aınalatynyn atap ótý qajet. Kezdesý barysynda Qazaqstan men DEF arasyndaǵy ózara yqpaldastyqty keńeıtý josparyna basa nazar aýdaryldy.
Mınıstr B.Atamqulov pen Eýropalyq qaıta qurý jáne damý bankiniń (EQDB) Prezıdenti Sýma Chakrabartı arasynda ótken kezdesý barysynda taraptar Banktiń qatysýymen alda Qazaqstanda ótetin iri is-sharalar boıynsha, onyń ishinde QR Prezıdenti janyndaǵy Sheteldik ınvestorlar keńesiniń (ShIK) otyrysy men Astanalyq ekonomıkalyq forým boıynsha saǵattaryn salystyryp tekserdi.
Qazaqstanmen ózara is-qımyldy taldaı otyryp, taraptar EQDB tabysty yntymaqtastyqtyń úlgisi bolyp tabylady degen ortaq oıǵa keldi. Qazirgi tańda Qazaqstan eknomıkasynyń ár túrli salalarynda Banktiń qatysýymen iske asyrylyp jatqan jalpy kólemi 8 mlrd. doll. astam somany quraıtyn shamamen 250 joba iske asyrylýda.
Iordanııa Koroli II Abdallanyń qabyldaýynda QR syrtqy saıasat vedomstvosynyń basshysy QR Tuńǵysh Prezıdenti – Elbasy Nursultan Nazarbaevtyń saıasatyna sáıkes eldiń syrtqy saıası baǵytynyń sabaqtastyǵyn jáne ózgermeıtindigin erekshe ataı otyryp, Qazaqstannyń ishki saıası ómirinde bolǵan mańyzdy ózgerister týraly aıtyp berdi.
Kezdesý barysynda Elbasy men Korol Abdallanyń arasynda qalyptasqan jyly qarym-qatynastar ár túrli salalardaǵy yntymaqtastyqty keńeıtýge sebep bolǵany erekshe ataldy. Ǵarysh salasy men kıber qaýipsizdik sııaqty eki el úshin jańa salalarda ekijaqty dıalogty odan ári keńeıtý týraly ýaǵdalastyqqa qol jetkizdi.
Qazaqstandyq bastamalarǵa, atap aıtqanda dinaralyq dıalog pen etnokonfessııalyq toleranttylyq boıynsha bastamalarǵa, sondaı-aq Koroldiń álemdik jáne dástúrli dinder kóshbasshylarynyń sezderi jumysyna belsendi qatysqany úshin Iordan tarapyna alǵys bilidirildi.
Iordanııalyq monarh Iordanııa baıqaýshy retinde qatysatyn, osy eldegi zorlyq-zombylyq deńgeıin edáýir tómendetip, beıbitshilik úderisin qurýdyń alǵysharttaryn jasaǵan Sırııa jónindegi Astanalyq kelissózderdi ótkizý boıynsha bastamany qoldaǵany úshin Elbasyna alǵys bildirdi.
Sonymen qatar, Forýmnyń aıasynda Armenııa Prezıdenti Armen Sarkısıanmen, Latvııa Syrtqy ister mınıstri Edgars Rınkevıchspen, Iordanııa Syrtqy ister mınıstri Aıman Ál-Safadımen kezdesýler ótkizildi. Onda Qazaqstan men osy elder arasyndaǵy yntymaqtastyqtyń aǵymdaǵy jaǵdaıy men ony keńeıtý máseleleri talqylandy.
Budan basqa, Forýmnyń aıasynda rıteıl, qarjy, agroónerkásiptik keshen, IT, taý-ken jáne metallýrgııa sektory, logıstıka jáne jańartylatyn energııa kózderi sııaqty salalarda jumys isteıtin Taıaý Shyǵys óńirindegi (Iordanııa, Saýd Arabııasy, Birikken Arab Ámirlikteri jáne Kýveıt) iri halyqaralyq kompanııalardyń ókilderimen kezdesýler ótkizildi. Kezdesýlerdiń qorytyndysy boıynsha kompanııalar birlesken jobalardy júzege asyrýǵa qyzyǵýshylyq tanytty jáne naqty josparlardy talqylaý úshin jaqyn arada Qazaqstanǵa kelýdi josparlap otyr.
