M. Laıchak Ortalyq Azııaǵa óńirlik týrdyń bóligi retinde saparmen Qazaqstanǵa kelip, sapar aıasynda Qazaqstan Respýblıkasy Prezıdenti Qasym-Jomart Toqaevpen jáne Senat Tóraǵasy Darıǵa Nazarbaevamen kezdesýler ótkizdi.
Mınıstrler kelissózder barysynda EQYU-nyń kún tártibindegi ózekti máseleler, ekijaqty yntymaqtastyqtyń jaı-kúıi men perspektıvalary, halyqaralyq máseleler boıynsha pikir almasýlar boldy.
B. Atamqulov Slovakııanyń EQYU Is basyndaǵy Tóraǵasy laýazymyndaǵy qyzmetine joǵary baǵa berdi, onyń basty maqsaty - senim men qaýipsizdikti nyǵaıtý, qaqtyǵystardy boldyrmaý, transulttyq qaýip-qaterlerge qarsy turý, profılaktıkalyq dıplomatııa men medıasııany qoldaný bolyp anyqtalǵan basymdyqtardyń ózektiligi men qajettiligin atap kórsetti.
«Sizdiń tóraǵalyǵyńyzdyń basymdyqtary eýrazııalyq qaýipsizdik platformasyn qurý qajettigi týraly Tuńǵysh Prezıdentimiz - Elbasy Nursultan Nazarbaevtyń halyqaralyq bastamasymen úılesedi. Atap aıtqanda, biz 1975 jylǵy Helsınkı Qorytyndy aktisiniń 45 jyldyǵyna oraı 2020 jyly Qaýipsizdik jáne yntymaqtastyq jónindegi halyqaralyq konferensııany ótkizý boıynsha, sondaı-aq EQYU, AО́SShK jáne ASEAN Forýmy arasynda konsýltatıvtik-keńes kezdesýin uıymdastyrý boıynsha jumys júrgizip jatyrmyz», - dep atap ótti SIM basshysy.
M. Laıchak Qazaqstan Ortalyq Azııa aımaǵynda sondaı-aq EAEO keńistiginde mańyzdy ról atqaratynyn málemdedi.
EQYU-nyń Is basyndaǵy Tóraǵasy qazirgi jaǵdaıda preventıvtik dıplomatııa men medıasııa janjaldardy aldyn-alý men sheshýdiń tanymal quraldary bolyp tabylatynyn belgilep, qazaq tarapyna Slovakııa tóraǵalyǵynyń jumysyn jáne anyqtalǵan basymdyqtaryn oń baǵalaǵany úshin alǵys bildirdi.
M. Laıchak Qazaqstannyń EQYU qyzmetindegi syndarly rólin oń baǵalady. Slovakııalyq dıplomattyń aıtýynsha, «Qazaqstan teńdestirilgen jáne pragmatıkalyq ishki jáne syrtqy saıasatynyń arqasynda Uıymnyń berik ári senimdi seriktesi bolyp tabylady. Buǵan slovakııa tóraǵalyǵymen EQYU-nyń Ekonomıkalyq jáne ekologııalyq komıtetindegi Qazaqstan ókiliniń tóraǵalyq merzimin uzatýy ańyq aıǵaǵy boldy».
О́zara árekettesýdiń ózekti máseleleriniń biri retinde taraptar jaýapkershilik aımaǵy boıynsha EQYU qurylymdaryn birkelki negizde ornalastyrý perspektıvalaryn talqylady. Sonymen birge, osy saladaǵy Uıym qyzmetiniń tıimdiligin arttyratyn dalalyq mıssııalardyń jańa formatqa kóshý mańyzy erekshe atalyp ótti. Osyndaı bolashaq formattardyń biri retinde, Qazaqstan tarapy Uıymnyń ekonomıkalyq jáne ekologııalyq ólshemderiniń maqsattary men mindetterin júzege asyrý basty maqsaty bolatyn EQYU-nyń ornyqty ózara baılanysy jónindegi taqyryptyq ortalyǵyn qurýdy usyndy.
Suhbattastar aǵymdaǵy jyly Nur-Sultanda josparlanǵan Aýǵanstan jónindegi EQYU-nyń joǵary deńgeıdegi is-sharasyn daıyndaý máselesin qarastyrdy. Bul is-shara Uıymnyń osy eldegi jaǵdaıyna qaıtadan nazar aýdarylýyna múmkindik bere otyryp, barlyq úsh ólshemde yntymaqtastyqty nyǵaıtýǵa tolyqtaı úles qosatynyn atap ótti. B. Atamqulov Aýǵanstannyń keleshektegi damýy sol eldiń qaıta qurý úderisine, EQYU-ymen birge múddeli syrtqy akterlerdiń qatysý dárejesine baılanysty bolady degen senimin bildirdi.
Taraptar Qazaqstannyń syrtqy saıasatyndaǵy ekonomıkalyq bóliginiń mańyzyn eskere otyryp, Slovakııamen eki jaqty yntymaqtastyqty keńeıtýge erekshe nazar aýdardy. Nur-Sultan men Bratıslava ózara múddeli túrli salalardaǵy yntymaqtastyǵymen qýattalǵan uzaq jyldar boıy jalǵasyp kele jatqan dostyq qarym-qatynastary bar ekenin erekshe atap ótti. О́tken jyl eki el arasyndaǵy qarym-qatynastar erekshe boldy, ásirese Qazaqstanǵa Slovakııanyń Premer-Mınıstri Peter Pellegrıniń alǵashqy resmı sapary ótti, saýda-ekonomıkalyq yntymaqtastyq jáne saıası konsýltasııalar boıynsha úkimetaralyq komıssııasynyń kezekti otyrystary ótkizildi.
Kezdesý barysynda mınıstrler eki el arasyndaǵy birlesken jáne kóp jaqty yntymaqtastyqty damytý, sondaı-aq EQYU men Slovakııa Respýblıkasymen ekijaqty yntymaqtastyqty keńeıtý máseleleri talqylandy.
