«2017 jyly el boıynsha ónimniń zattaı kórinistegi shyǵarylymynyń ósimi 2015 jyldyń deńgeıimen salystyrǵanda 128% nemese 23,2 trln teńgeni qurady. О́ńirler bólinisinde eń úlken ósim Atyraý oblysynda, Almaty qalasynda jáne Qostanaı oblysynda qamtamasyz etilgen. Eń tómen ósim – Aqtóbe, Pavlodar jáne Mańǵystaý oblystarynda baıqalǵan», dedi Mınıstr.
Sonymen qatar Mınıstr 2019 jylǵy 1 qańtarda jumys istep turǵan shaǵyn jáne orta kásipkerlik sýbektileriniń sany 1,2 mln birlikke jetip, ótken jyldyń uqsas kezeńimen salystyrǵanda bul kórsetkish 8,3%-ke óskenin aıtty.
«О́tken jylǵa jumys istep turǵan shaǵyn jáne orta bıznes sýbektileriniń sanynyń eń úlken ósimi Nur-Sultan qalasynda, Qyzylorda jáne Shyǵys Qazaqstan oblystarynda tirkelgen. Eń tómen ósim – Soltústik Qazaqstan, Almaty jáne Aqmola oblystarynda. Jobalyq basqarý sheńberinde shaǵyn jáne orta bıznes sýbektileriniń barynsha sapaly pýlyn qalyptastyrý úshin jyldyq aınalymy 2 mln teńgeden asatyn shaǵyn jáne orta bıznes sanyn ulǵaıtý boıynsha ındıkator ornatylǵan», dedi Mınıstr.
Sondaı-aq R.Dálenov 2018 jylǵy 1 qańtarǵa jalpy osyndaı kásiporyndar sany 337 myń sýbektiden asty, bul josparly kórsetkishten 2,6%-ke joǵary ekenin atap ótti.
«Sonymen qatar, 7 óńirde josparly kórsetkishke qol jetkizilmegen. Júrgizilip otyrǵan jumys nátıjesin qoryta kele jalpy bıznes damýynyń oń serpini baıqalady. Ákimdikterdiń álide atqaratyn jumystary bar. Mysaly, Batys Qazaqstan jáne Pavlodar oblystarynda sońǵy jyldary ekonomıkadaǵy shaǵyn jáne orta bıznes úlesiniń tómendegeni baıqalady. Al, kórsetilip jatqan memlekettik qoldaý sharalarynyń sany respýblıkalyq ortasha mánnen tómen. Ákimdikter osy baǵytta jumysty kúsheıtýge tıis» , dep atap ótti Mınıstr.
