«Aqtóbe oblysynda «Kásipker ana» jobasy boıynsha granttar berý arqyly kóp balaly analardy demeýshiler qarajaty esebinen bıznes negizderine, bıznes josparlardy ázirleýge oqytýda.
2019 jylǵy 1-toqsanda ózderiniń bıznes-jobalaryn iske asyrý úshin 25 áıelge oqytý, bıznes-josparlar jasaý, granttar berý sııaqty kómek kórsetildi. Shymkent qalasynda «MEYIRIM» elektrondyq portaly iske qosylǵan, ol az qamtylǵan adamdarǵa elektrondyq portal arqyly áleýmettik kómek uıymdastyrýǵa baǵyttalǵan. Qazirgi ýaqytta bazada 500 otbasy tirkelgen, onyń 147-si kópbalaly otbasylar. 2019 jylǵy 1-toqsanda atalǵan Joba sheńberinde kóp balaly otbasy úshin bir úı berilip, 173 otbasyna 12 mln. teńge somada aqshalaı kómek kórsetildi. Jekelegen kásipkerler az qamtylǵan jumyssyz azamattardy jumysqa ornalastyrý boıynsha mindettemelerdi aldy», dedi Mınıstr.
Sonymen qatar Mınıstr Qostanaı oblysynda «Jas-Qanat-2006» JShS basshysy kóp balaly otbasylar úshin jyl saıyn jumys oryndaryn ashýǵa daıyn ekenin bildirdi.
«Az qamtylǵan jáne kópbalaly otbasylardy turǵyn úımen qamtamasyz etý problemasyn sheshýde óńirlerde jaqsy tájirıbeler bar. Mysaly, Qyzylorda oblysynda «Balameken» áleýmettik jobasy iske asyrylyp jatyr, ol «Bolat О́temuratov» Qory esebinen jeke úıler salýǵa baǵyttalǵan. 2019 jyly 100 páter salynady. Onyń ishinde aǵymdaǵy jylǵy 1-toqsanda 11 otbasy turǵyn úımen qamtamasyz etildi. Osy maqsattarǵa 450 mln teńge bólý kózdelip otyr», dedi B. Saparbaev.
Sondaı-aq Mınıstr basqa oblystarda atqarylatyn jobalarmen bólisti.
- Qaraǵandy oblysynda «Demeýshiler qarajaty esebinen turǵyn úı salý» jobasy aıasynda 70 jeke úı salynady. 2019 jylǵy 1-toqsanda salynǵan úılerdiń 10-y berildi.
- Pavlodar oblysy jaqsy úlgi kórsetýde. Osy jyly oblystaǵy kásiporyndardyń turǵyn úıi joq barlyq kóp balaly jumyskerleri kompanııa esebinen qamtamasyz etiledi. Sondaı-aq demeýshiler, mesenattar esebinen 77 otbasy jeke turǵyn úıdiń ıesi bolady.
- Mańǵystaý oblysynda «О́zenmunaıgaz» AQ kompanııasy az qamtylǵan jáne kópbalaly otbasylarǵa 500 páter satyp alýdy josparlaýda.
- Aqtóbe oblysynda «Demeýshiler qarajaty esebinen turǵyn úı salý» jobasy sheńberinde 2021 jyldyń sońyna deıin 330 jeke úı salynady, onyń ishinde 2019 jyly 110 úı salynady. Bıylǵy jyldyń 1-toqsanynda 19 páter berildi. Bul rette oblysta «Qolǵanat Aqtóbe» QQ arqyly bastapqy jarnanyń 10%-yn qarjylandyrý jolymen demeýshilerdiń turǵyn úımen qamtamasyz etý mehanızmi engiziledi.
