Aksııa barysynda tártip saqshylary tıisti bannerlermen jabdyqtalǵan arnaıy bólingen avtobýstarda halyqty jeke qabyldaý ótkizdi, sondaı-aq azamattardy qabyldaýǵa yńǵaıly bolý úshin oryndyqtary bar ústelder ornatylǵan bolatyn.
«Nur Otan» partııasy Mańǵystaý oblystyq fılıaly partııalyq baqylaý ınspektory Rahymjan Shalbaevtyń aıtýynsha, atalmysh aksııa halyq arasynda quqyqtyq túsindirý jumystaryn júrgizý, azamattardyń ishki ister organdaryna degen senimin arttyrý maqsatynda ótkizilgen bolatyn.
-Mundaı sharalarǵa turǵyndardyń belsendi qatysýynyń ózi halyqqa paıdaly ekendigin kórsetedi. Sebebi ýaqyt únemdep, kókeıdegi suraqqa jaýap alýǵa bolady jáne ózińizdiń usynysyńyz bolsa aıta alady. Jalpy aıtaıyn degenim, sharaǵa qatysýshylar óte belsendi ekendikterin tanyta bildi. Negizinen bul shara alǵash ret ótkizilip otyrǵan joq, buǵan deıin de birneshe ret ótken bolatyn. Aldaǵy ýaqytta birlesken shara mindetti túrde jalǵasyn tabady», dedi ol.
Memlekettik qyzmetterdi alý kezinde qabyldanyp jatqan sharalar, onyń ishinde elektrondyq úkimet portaly arqyly memlekettik qyzmetterdi alý múmkindigi týraly aqparatty jetkizý, sondaı-aq on-laın rejıminde aıyppuldy qaraý jáne tóleý, polıseılerdiń zańsyz áreketteri men sheshimderine shaǵymdaný, «senim telefondarynyń» jumys isteý tártibi týraly túsinik berildi. Telefon qońyraýlary, sondaı-aq áleýmettik jelilerdegi polısııa departamentiniń akkaýnttarynda onlaın-qatynas arqyly «jedel jeli» ótkizý qosymsha uıymdastyryldy.
Oblys boıynsha barlyq ótkizilgen aksııalar – 16, onyń ishinde Aqtaý qalasynda – 6, qala jáne aýdan ortalyqtarynda – 10. Aksııany ótkizýge qatysqan tártip saqshylar sany – 151, al qatysqan azamattar sany – 1238, olardan kelip túsken ótinishter barlyǵy 1273 boldy.
Suraqtardyń deni avtokólikterdi tirkeý, júrgizýshilik kýálikter alý tártibi, jol júrisin uıymdastyrý, kólik quralyn qaıta jabdyqtaý, aıyppuldarmen salyqtardy tóleý, kóshi-qon qyzmeti jáne t.b. suraqtar tústi.
«Nur Otan» partııasy Mańǵystaý oblystyq fılıaly jáne ákimshilik polısııa basqarmasynyń qyzmetkerleri qoıylǵan barlyq suraqtarǵa jaýaptar qaıtaryp, turǵyndardyń usynystaryn jaýapty mekemelerge jetkizetindikterin aıtty. «Nur Otan» partııasy Mańǵystaý oblystyq fılıalynyń baspasóz qyzmetiniń habarlaýynsha, aksııa qorytyndysy boıynsha barlyq 1273 ótinish qanaǵattandyrylǵan.
