«Bul biz kútken jaǵdaı edi. Endi 9 maýsymda barlyq kúshti jumyldyryp, halyq bolyp jańa prezıdentti tańdaýǵa tıispiz. Búkilhalyqtyq zańdy saılaý ótkizýdiń, zańdy prezıdent saılap alýdyń dál osy jerde tarıhı máni bar », -dep atap ótti Rahman Alshanov.
Rahman Alshanov, sóz arasynda osyndaı saıası naýqan kezinde aımaqtar ortalyqtan shalǵaı ornalasqan aımaqtar Almaty, Astana tárizdi bas qalalardaǵy kózqarasqa qarap kóshin túzeıtinin aıtyp ótti. «Biz, qoǵamdyq keńestiń minberinen spıkerlerdiń pikirin halyqqa jetkizýge múmkindik berýge daıynbyz», -dep sóz kezegin dıplomat, qoǵam qaıratkeri Ikram Adyrbekovke berdi.
Ikram Adyrbekov eń aldymen, 2019 jyldyń 19 naýryzynan bergi eldiń qoǵamdyq saıası ómirdiń barometrtindegi ózgeristerge toqtalyp ótti. Dıplomattyń paıymdaýynsha, «elde aldaǵy ómir qalaı bolady?» degen alań kóńil bar. Osyndaı kúrdeli kezeńde bıliktiń aýysýyn zańdastyryp alý kerek. Ýaqytsha bılikti shet el moıyndamaıdy.
«Qazir halyqaralyq quqyqty aınadaı móldir dep eshkim aıta almaıdy. Halyqaralyq quqyq buzyldy. Alpaýyt elder halyqaralyq talaptardy belden basyp, ústemdigin ornatýǵa tyrysyp jatyr. Álemdik ekonomıka syr berdi. AQSh ekonomıkasy 2018 jyldy 6 paıyzdyq ósimmen aıaqtady. Eger, ekonomıka 7 paıyzdan túsip ketse, memleket bıýdjetti únemdeýge tyrysady. Únemdeý jumys oryndaryn, áleýmettik tólemderdi qysqartý degen sóz
«Bul 28 jyldan bergi eń tómengi kórsetkish. Qytaıdyń da alys-jaqyn elderge degen ınvestısııasy keıinge shegerilip jatyr. Biz osyndaı kezde bılik aýysty. Dál qazir turaqtylyqtyń jáne senimniń mańyzdy ekenin biz bilemiz», -dep atap ótti Ikram Adyrbekov.
Odan ári spıker qazirgi Prezıdent Qasym-Jomart Toqaevty shırek ǵasyrdan beri biletinin aıtyp ótti.
«Qasym –Jomart Toqaev aldaǵy saılaýdyń ádil jáne ashyq ótetinine kepildik berdi. Elbasy Nursultan Nazarbaev Qasym-Jomart Toqaevty óz ornyna taǵaıyndaǵanda onyń osy talaptar údesinen shyǵa alatyn qaıratker ekenin aıtty. Senim bildirdi. Osyndaı qıyn kezeńde Qasym-Jomart Kemelulyna senim bildirgen durys shyǵar», -dep sózin túıindedi Ikram Adyrbekov.
Al kezekti spıker Sergeı Ponomarev qazaqstandyqtar úshin bul jolǵy tańdaýdyń salmaǵy aýyr ekenin aıtty. Sebebi Elbasy , Qazaqstannyń tuńǵysh prezıdenti Nursultan Nazarbaev álemdik deńgeıde moıyndalǵan tulǵa. «Sondyqtan bul joly qatelesýge bolmaıdy», -dep sózin túıindedi Sergeı Ponomarev.
ALMATY
