Endi belgili bir nysanǵa tehnıkalyq shart alý úshin beriletin ótinishter elektrondy nusqada qabyldanady. Bıznes ókilderi úshin taǵy bir tıimdi júıe bıyldan bastap «Kásipker onlaın» saıty iske qosyldy. Munda aýksıon arqyly satylatyn jer telimderi týraly málimetti tolyqqandy bilýge bolady.
Syrdarııa aýdany, Jetikól eldimekeniniń turǵyny Baıan Burhanova kásipkerlerge qyzmet kórsetý ortalyǵyna keldi. Túlik baptap, et-sútin aýyldastaryna ótkizip kelgen kóp balaly ana endi kásibin keńeıtpek.
«О́ńirlik ınvestısııa ortalyǵynan 3 mln 700 myń teńge aqsha alyp, 32 bas sıyr men 1 asyl tuqymdy buqa alǵanmyn. Sút ónimderin ótkizýdemin. Endi aýyl sharýashylyǵy ónimderin satatyn qaladan dúken ashyp jatyr edim. Qujatqa kóp júgiretin edik. Aýdanǵa júgiremiz, odan bir qaǵazǵa jumsasa taǵy bir jerge baramyz áıteýir. 5-3 jumys kúni dep edi, joq bir kúnde tyndyryp berdi. О́te qýanyshtymyn. Áıtpese aýylda turatyn bolǵasyn qujatqa kóp júgiretin edik. Elektrondy nusqa degen jaqsy eken», kásipker Baıan Burhanova.
Buǵan deıin aptalap daıyndalatyn qujattyń merzimin qysqartýǵa «Geoaqparattyq qyzmet» júıesi múmkindik berip otyr. Jańa júıe kásipkerlik salasyndaǵy ákimshilik kedergilerdi azaıtýǵa da yqpalyn tıgizdi deıdi mamandar.
«Kásipkerlikti damytý jaǵynan osy baǵdarlama arqyly tek aýksıon ǵana emes jeriniń nysanaly maqsatyn ózgertý nemese jer telimin 2-3 bólýge bolady. Qosymsha jer suraıtyn bolsa osy onlaın aýksıon arqyly bizge ótinish tastasa, jer jaǵynan 2-baǵdarlama bar. Osy baǵdarlamaǵa kelip túsedi kásipker-onlaın arqyly. Sol arqyly ortalyqta jumys jasaımyz. Ol kezde kásipkerge de, ortalyq mamandaryna da shyǵyp, HQKO, jer qatynastary bólimine baryp ótinish tasýdyń qajettiligi bolmaıdy», kásipkerlerge qyzmet kórsetý ortalyǵynyń bólim basshysy Botagóz Bektibaeva.
Oblystyq kásipkerlerge qyzmet kórsetý ortalyǵynyń qyzmetine ótken jyly 2 jarym myńdaı azamat júgingen. Al bıyl bul kórsetkish 6 myńnan asyp ketti. Onyń ishinde 1 jarym myńǵa jýyǵy «Geoaqparattyq qyzmet» baǵdarlamasyn paıdalanǵan.
