Ataýly áleýmettik kómektiń járdemi aıqyn sezile bastady

«Búginde memlekettik saıa­sat­tyń negizgi basymdyǵy halyqtyń la­ıyqty turmys deńgeıin qamta­masyz etý. Respýblıkalyq bıýdjetten áleýmettik salaǵa barlyq shyǵyndardyń 45% baǵyttaldy. Túrli baǵdarlamalar aıasynda aý­qymdy áleýmettik ınvestısııalar iske asyrylýda. Eń bastysy, áleýmettik saıasat teńdestirilgen jáne áleýmettik asyraýda bolýǵa ıtermelemeýi kerek», dedi G.Ábdiqalyqova kezdesýde. 

Túrkistan oblysynda 86 myńnan astam kóp balaly otbasy bar. Bul respýblıkalyq kór­setkishtiń 25,4 paıyzyn quraıdy. Olardyń 19 myńy az qamtylǵan kóp balaly otbasylardyń qa­tar­ynda. 4832 otbasy baspana ke­zeginde tur. Bul oraıda Túrkistan oblysynyń ákimi О́mirzaq Shókeev bıyl kóp balaly 2957 otbasy baspanamen qamtamasyz etiletinin atap ótti. Ol úshin respýblıkalyq bıýd­jetten 3,5 mlrd teńge, al ob­lystyq qazynadan 7,3 mlrd teńge qaralyp otyr. «Oblysta arnaıy shtab qurylyp, árbir otbasyna áleýmettik karta jasaldy. Úı­ler­di aralaý jumystarynyń nátı­jesinde 67,7 myń kóp balaly otbasy áleýmettik kartaǵa engi­zildi», dedi oblys ákimi. 

Halyqpen kezdesý aıaq­tal­ǵannan keıin G.Ábdiqalyqova az qamtylǵan azamattarǵa áleý­mettik qoldaý kórsetý, memlekettik sharalardy túsindirý boıynsha jeke qabyldaý ótkizdi. Kúltóbe qalashyǵyndaǵy ǵylymı-res­tav­ra­sııalyq jumystarmen ta­nys­ty. Memlekettik organdar­dyń, vedomstvoǵa baǵynys­ty mekemelerdiń jáne IýNESKO-nyń halyqaralyq sarap­shy­larynyń ókilderimen kezdesýde Qazaqstannyń tarıhı murasy – Q.A.Iаsaýı kesenesin saqtaý máseleleri talqylandy. Keńes qorytyndysy boıynsha naqty tapsyrmalar berildi. Al Eńbek jáne halyqty áleýmettik qorǵaý mınıstri B.Saparbaev Halyqty jumyspen qamtý ortalyǵynyń qyzmetin tekserip, jańa formatta ataýly áleýmettik kómek kórsetý prosesimen tanysty. Búgingi tańda oblysta AÁK alýshylar sany 207 myńnan 283 myń adamǵa deıin artqan, osy maqsattarǵa qarjy qajettiligi 14 mlrd-tan 45 mlrd teńgege deıin ósti. Sondaı-aq jumys toby «Kentaý transformator zaýyty» AQ bazasynda aýdandar, qalalar ákimderimen, ónerkásiptik kásiporyndardyń bas­shylarymen, bıznes-qury­lymdar, kásipodaq uıymdary basshylarymen keńes ótkizdi. G.Ábdiqalyqova ónerkásiptik ká­sip­oryndardyń, bıznes-qury­lymdardyń basshylaryn ózderiniń tabysy tómen qyzmet­kerlerin qoldaýǵa, turǵyn úı satyp alýǵa kómektesýge, olardy jóndeýge qarajat bólýge, baspana nesıeleri boıynsha bastapqy jarnalardy tólep berýge shaqyrdy. Muqtaj jandarǵa qol ushyn berip júrgen kásipkerler de barshylyq. Búginde óńir kásipkerleri 11 kóp balaly otbasyn turǵyn úımen qam­tamasyz etken. Mysaly, Qazyǵurt aýdanynyń kásipkeri S.Er­taev kóp balaly Erjanovtar otbasyna úı satyp alyp berdi jáne Túrkııada naýqas balanyń otbasyna operasııa jasaýǵa 4 mln teńge bóldi.

Densaýlyq saqtaý, bilim berý salasynyń qyzmetkerlerimen birqatar kezdesýler ótkizip, azamattardy qabyldaǵan jumys tobynyń músheleri, sondaı-aq áleýmettik nysandarmen, Túr­kistanda qyzý qarqyn alǵan qu­rylys jumystarymen tanysty.

Atap aıtar bolsaq, tarazdyq kóp balaly ana Uldana Qozıeva ju­baıy ekeýi 6 bala tárbıelep otyr. Úlken uldary 2003 jyly tý­ǵan, Jambyl polıtehnıkalyq kol­ledjiniń 1-kýrs stýdenti. Al úsh balasy mektep oqýshylary de­sek, ekeýi balabaqsha tár­bıe­le­nýshileri. «Altyn alqa» ıe­geri Uldana Berikqyzy bala tár­bıe­simen úıde bolsa, jubaıy – kú­zetshi. Jalaqysy – 43 myń teńge. 

Bul otbasynyń balalary mek­tepte ystyq tamaqpen jáne qys­qy kıimmen qamtylǵan. Buǵan deıin otbasynyń aılyq jıyntyq tabysy 75 919 teńgeni qurasa, 

1 sáýirden bastap ol 231 481 teń­ge­ni quramaq. Oǵan mem­leket­tik ataýly áleýmettik kómek júıe­sin­degi oń ózgerister sebep bolyp otyr. 

Sondaı-aq Gúlshara Naý­sha­qyzy tarazdyq kóp balaly ana Aınur Naýatovanyń jáne kómek­ke muqtaj Zýhra Karı­mo­va­nyń shańyraqtarynda bolyp, jaǵ­daılarymen tanys­ty. G.Ábdiqa­ly­qova muqtaj jan­darǵa qandaı kó­mek qajet ekenin bilip, tilek-nıet­teri nazarǵa alynatynyn jetkizdi.

Aıta keteıik, Jambyl oblysynda 1 sáýirden bastap ataýly áleýmettik kómekti 29 650 otbasy alýda. Jan basyna shaqqandaǵy tabysy kedeılik sheginen tómen 29 650 otbasynyń áleýmettik kartasy túzilip, onda barlyǵy 150 400 adam qamtylǵan. 

Premer-Mınıstr oryn­basarynyń aımaqtaǵy sapary halyqqa qyzmet kórsetý or­ta­ly­ǵynda jalǵasty. Ortalyq ju­my­symen jan-jaqty ta­nys­qan Gúl­shara Naýshaqyzy áleý­mettik álsiz top ókilderin ju­myspen qamtý deńgeıin nazarda ustaýdy tapsyrdy.

Halyqqa qyzmet kórsetý or­talyǵy 2006 jylǵy 11 qara­sha­­da paıdalanýǵa berilgen. Jal­­py aýmaǵy 805,9 sharshy metr­di quraıdy. Barlyq qajet­ti teh­nı­kalyq qural-jabdyq­pen qam­tamasyz etilgen orta­lyq 2018 jyly 91 100 adamǵa qyzmet kór­setken. Al ústimizdegi jyldyń I toq­sanynda 20 700 adam ortalyq ar­qyly memlekettik kórsetiletin qyz­metke júgingen. Ortalyqta 89 qyz­metker jumys istese, barlyǵy 621 qyzmet túri kórsetiledi.

Kelesi kezekte Vıse-pre­mer Ta­raz qalalyq halyqty jumyspen qamtý ortalyǵyna bardy. Ortalyq ǵı­maratynyń jal­py aýmaǵy 1 246,7 sharshy metrdi quraıdy. Mun­da ót­ken jyly 

Premer-Mınıstrdiń orynbasary G.Ábdiqalyqovanyń aımaqqa jumys sapary erteń jalǵasady.

Ǵalymjan ELShIBAI, Hamıt ESAMAN,