Ǵalymjan Ábdiraıymov 1965 jyly 14 mamyrda Jambyl oblysynda dúnıege kelgen. Jambyl gıdromelıoratıvti-qurylys ınstıtýtyn, «Turan» Ýnıversıtetin bitirgen. Eńbek jolyn kolhozda sheber bolyp bastady, ártúrli qurylym uıymdary men mekemelerinde jaýapty qyzmetter atqardy. Qazaqstan Respýblıkasy Indýstrııa jáne saýda mınıstrliginiń Qurylys jáne turǵyn úı-kommýnaldyq sharýashylyq isteri jónindegi komıteti Memlekettik sáýlet-qurylys baqylaý, akkredıtteý jáne attestattaý basqarmasynyń dırektory boldy.
2009-2013 jyldary Qurylys jáne turǵyn úı-kommýnaldyq sharýashylyq isteri agenttiginiń Memlekettik sáýlet-qurylys baqylaý, attestasııalaý jáne akkredıtasııalaý departamentiniń dırektory.
2013 jyldan bastap QR О́ńirlik damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary bolǵan.
Al 2014-2018 jyldar aralyǵynda ol Almaty oblysy ákimi aparatynyń jetekshisi, Almaty oblysy ákiminiń orynbasary, Jambyl oblysy ákiminiń orynbasary bolǵan. 2018 jyldyń sáýirinen búginge deıin Taraz ákimi bolǵan.
