Qoǵamdyq qabyldaýǵa «Túrkistan - adaldyq alańy» jobalyq keńsesiniń jaýapty mamandary, halyqty jumyspen qamtý ortalyǵynyń, dárigerlik saraptama jáne aýrýhana mamandary, salyq organdarynyń, jergilikti ishki ister bólimi men jergilikti buqaralyq aqparat quraldarynyń ókilderi qatysty.
Shara barysynda 150-ge jýyq maqtaaraldyq turǵyndar
ózekti máseleleri boıynsha tıisti mamandardan jaýaptar aldy. Qoǵamdyq qabyldaýdan soń jumysshy top músheleri Maqtaral aýdany
ákiminiń apparatynda qorytyndy jınalys ótkizip, qoǵamdyq qabyldaý barysynda
túsken usynys-pikirler boıynsha jumys isteýdi tıisti mekeme basshylaryna
tapsyrdy.
Aıta keteıik, 2018 jylǵy 5 qazandaǵy Tuńǵysh Prezıdenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýy aıasynda, Túrkistan oblysynda azamattardyń memlekettik bılik ınstıtýttaryna senimin arttyrý, turmystyq jemqorlyqty joıý jáne sybaılas jemqorlyqty qabyldamaýdyń qoǵamdyq ahýalyn qalyptastyrý baǵyttarynda «Túrkistan - adaldyq alańy» jobalyq keńsesi qurylǵan bolatyn.
Jobalyq keńseniń maqsaty - jergilikti atqarýshy organdar men turǵyndar arasyndaǵy baılanysty jandandyrý, eldi mekenderdegi ár túrli salalardaǵy túıtkildi máselelerdi talqyǵa salý arqyly sheshý jáne memlekettik mekemelerdiń ashyqtyǵyn qamtamasyz etý, qoǵamnyń bılik ınstıtýttaryna senimin joǵarlatý, memlekettik kórsetiletin qyzmetterdi ońtaılandyrý arqyly sybaılas jemqorlyq táýekelderin boldyrmaý jáne aldyn alýǵa baǵyttalǵan.
