Rýhanııat • 12 Sáýir, 2019

«Bul ómirde bárimiz de kóshpendimiz»

859 ret kórsetildi

Jaqynda О́skemendegi О́ner mýzeıinde aıagózdik sýretshi Qalıbek Aınajarovtyń «Qyr balasynyń ásem álemi» atty kórmesi ashyldy. Birneshe jyldan beri qolarbaǵa tańylsa da, tabıǵı talantymen álemniń úzdik sýretshilerin tańǵaldyryp júrgen qylqalam sheberi kórmege aǵashqa bederlep oıyp salynǵan 30-ǵa jýyq týyndysyn ákelipti. Biz osy otyzdyń ishindegi kórmege kelýshi jurtty erekshe áserge bólegen, oılandyrǵan, tolǵandyrǵan bir dúnıege az-kem toqtalsaq deımiz.

Rasynda, bul óner týyndysy bir qaraǵanda óte qarapaıym kórinedi. Iá, kúnde bolmasa da, ara-tura kók seńgirinen kózge túsetin kádimgi Jetiqaraqshy. Al bu­ǵan sýretshiniń kózimen, ási­rese jan dúnıesi daýyl kún­gi teńizdeı sapyrylysqan ta­lant ıesi Qalıbek Aına­ja­rovtyń kózimen qarasańyz, lez­de bas­qa álemge enip ke­te­siz. Bir erek­she­ligi, mun­daǵy Jetiqa­raq­shy­nyń je­teýinde de jylqy min­gen adam beınelengen. Jeti sýret jeti túrli maǵynaǵa ıe. Bi­rinde quryq, ekinshisinde shal­ma, úshinshisinde soıyl, tór­tinshisinde shoqpar, be­sin­shi­sinde qamshy ustaǵan, altynshysynda astyndaǵy arǵymaǵyn kókke qarǵytqan, bas kıimine úki taqqan arýdy, je­tinshisinde aty súrinip, ózi shal­qalaı qulaǵan jigitti kó­­resiz. Sońǵy eki sýrettiń ma­ǵy­­nasyn durys túsine almaı, sýretshiniń ózinen sura­ǵa­nymyzda: «Men eshte­ńeni oılap tappaımyn. Bárin ómirden ala­myn. Áıeldi atqa mingizgen sebebim, áıelsiz ómirdiń máni joq. Jetinshi sý­rettegi at ús­tin­de kenetten qaı­tys bol­ǵan, ǵumyry jastaı qı­ylǵan adam. Bul ómirde ne bolmaıdy?» dep jaýap berdi.

Bul ınstallıasııanyń taǵy bir ózgesheligi, qolarbada te­­­me­kisin býdaqtatyp sý­ret­shi­niń – Qalıbek Aına­ja­­rov­tyń óziniń otyrýy. Sý­retti sýretshiden ar­­tyq kim biledi?! Taǵy da qyl­qa­lam sheberiniń ózin sóıletip kó­reıikshi. «Biz máńgilikten kelemiz, máńgilikke ketemiz. О́mirimizdi «Men kim­min? Biz kimbiz?» degen sa­ýal­darǵa jaýap izdeýmen ótki­zemiz. Arpalysamyz, alysamyz, kúıinemiz, súıinemiz. Bi­raq biz eshkim emespiz. Biz my­na juldyzdardyń astynda jáı ǵana tútin sekildimiz. Adam­zattyń búkil ǵumyry osy juldyzdardyń astynda ótip keledi. Kóktegi samsaǵan jul­dyzdar adam balasynyń, jer betindegi tirshilik ıesiniń búkil tirshiligine kýáger. Aı­tary kóp. Biraq olar biz emes. Son­dyqtan da bul týyn­dymnyń atyn «Máńgilikke biz ǵana kýá emespiz» dep qoıdym. Bul ómir­den baı da ótken, kedeı de ótken. Jalǵandy jalpaǵynan basqan patsha da ótken. Bul ómirde bárimiz de kósh­pendimiz. Oılanaıyq, tolǵanaıyq. О́mirdi baǵa­laıyq», – deıdi sýretshi.

Q.Aınajarov qazaqtyń ulttyq ertegisin negizge ala otyryp aǵashqa oıǵan bul týyndysyn 2015 jyly eki aı kóleminde jasap shyǵypty. Oraıy kelgende aıta keteıik, aıagózdik sýretshiniń kórmesi 30 sáýirge deıin jalǵasady.

О́SKEMEN
Sońǵy jańalyqtar

15169 adam koronavırýs juqtyrdy

Koronavırýs • Keshe

Uqsas jańalyqtar