Foto: Ashyq derekkóz
Ulttyq bank basqarmasy «Bankaralyq mobıldi tólemder júıesiniń jumys isteý qaǵıdalaryn bekitý týraly» qaýlynyń jobasyn ázirledi. Qujatta júıe sheńberinde kórsetiletin servısterdiń túrleri, tólemder men aqsha aýdarymdaryn júzege asyrý tártibi, sondaı-aq bankter men ózge de qatysýshylardy júıege qosý talaptary naqty aıqyndalǵan.
JI mobıldi aýdarymdardy taldap jatyr
«Osy júıeniń kómegimen klıentter alýshynyń telefon nómirin ǵana bile otyryp, aqshany basqa bankterge aýdara alady. Kásipkerler úshin bankaralyq QR-kodty paıdalana otyryp tólemderdi qabyldaý kezinde ártúrli bankterdiń birneshe POS-termınalyn ornatý qajettiligi joıyldy. Servıs satyp alýshylarǵa basqa bankterdiń paıdasyna bankaralyq QR-tólemderdi júzege asyrýǵa múmkindik beredi», delingen habarlamada.
Mobıldi aýdarymdar: 2026 jyldan bastap qandaı ózgerister enedi?
Ulttyq bank ókilderi atalǵan qaýly qabyldanǵan jaǵdaıda qolma-qol aqshasyz tólemderdiń úlesi artyp, bankaralyq esep aıyrysýlardyń jyldamdyǵy men qoljetimdiligi edáýir jaqsaratynyn atap ótti. Bul óz kezeginde azamattar men bıznes úshin qarjylyq operasııalardy ońaılatyp, sıfrly qyzmetterdi keńinen qoldanýǵa jol ashady.
Atalǵan qujat 19 aqpanǵa deıin «Ashyq NQA» portalynda jarııalanyp, qoǵam talqysyna usynylǵan.
