Foto: Instagram: @zhanabylov_e
Qarjylyq monıtorıng agenttiginiń málimdeýinshe tergeý nusqasyna sáıkes, erli-zaıyptylar 15 mıllıonnan astam jazylýshysy bar aýdıtorııasyna súıenip onlaın-kýrstardy satqan. Is júzinde olar lısenzııasyz lotereıany búrkemelegisi kelgen.
«Atalǵan kýrstardy satyp alýdyń negizgi sebebi qymbat syılyqtar utysyna qatysý bolǵan. Vıdeomaterıaldar oqý qundylyǵyna ıe bolmaǵan, olardyń kóbisi YouTube sııaqty ashyq derekkózderden alynǵan jáne tek lısenzııasyz lotereıany búrkemeleý úshin qoldanylǵan. Syılyq qory jeke qarajattarynan emes, qatysýshylardan onlaın-kýrstar úshin alynǵan aqshadan quralǵan. Elektrondyq sáttilik barabanynyń parametrleri ózgertilgen: 5000 teńge kólemindegi utystyń shyǵý yqtımaldyǵy jasandy túrde arttyrylyp, al qymbat syılyqtarǵa shyǵý múmkindigi aıtarlyqtaı tómendetilgen. Kúdiktiler aksııany kóp adamǵa jetkizý jáne nazar aýdartý úshin eń kóp repost jasaǵan adamǵa 11-shi avtokólik beriledi dep jarııalaǵan. Alaıda is júzinde jeńimpaz anyqtalmaǵan, syılyq tapsyrylmaǵan», delingen agenttik habarlamasynda.
Agenttiktiń deregi boıynsha, qatysýshylardan Zhana Business JShS-ne túsken qarajattyń jalpy somasy 247,5 mln teńge, onyń bir bóligi (60 mln teńge) depozıttik shottarǵa aýdarylǵan.
Lamborghini Urus pen Lexus LX 600 kólikterin qosa alǵanda, 10 avtokólikke, sondaı-aq 17 uıaly telefonǵa tyıym salyndy.
Qazirgi ýaqytta kúdiktiler úıqamaqta otyr.
