Kún tártibinde Partııa Tóraǵasy N.Á. Nazarbaevtyń partııanyń kezekti XVIII Sezinde bergen tapsyrmalaryn – «Halyqqa kómek», «Baqytty otbasy», «Aýyl - el besigi», «Qutty meken» ulttyq jobalaryn iske asyrý barysy jáne «Nur Otan» partııasy Aqtaý qalalyq fılıalynyń kezekten tys XXH konferensııasyna delegattardy saılaý máseleleri qaraldy.
Sharaǵa «Munaıtelekom» bastaýysh partııa uıymynyń músheleri jáne buqaralyq aqparat quraldarynyń ókilderi qatysty.
Basqosýda bastaýysh partııa uıymdarynyń jumysyn odan ári jandandyrý, bes áleýmettik bastamanyń jáne jańa partııalyq jobalardyń júzege asyrylý barysy aıtyldy.
Sondaı-aq, otbasy qundylyqtaryn saqtaý, sybaılas jemqorlyqty boldyrmaý, kómekke muqtaj, ásirese jetim balalar men ata-anasynyń qaraýynsyz qalǵandarǵa, turmysy tómen otbasylarǵa qoldaý kórsetý tóńireginde kóterilgen máseleler talqylandy.
- «Munaıtelekom» bastaýysh partııa uıymy «Baqytty otbasy» jobasy aıasynda birqatar qaıyrymdylyq sharalaryn ótkizdi. Kópbalaly ana Gúlbarshyn Ádilovanyń januıasyna qarjylaı jáne balalarǵa qajetti zattarmen kómek kórsetildi. Aldaǵy 1 maýsym – balalar quqyǵyn qorǵaý kúnine oraı, jańa oqý jyly qarsańynda muqtaj otbasylarǵa mektepke qajetti qural - jabdyqtaryn alyp berý josparda bar. Jańa jylda ata-anasynyń qamqorlyǵynsyz qalǵan balalarǵa syılyq tartý etemiz. Munan bólek halyqty jumyspen qamtý ortalyǵynyń joldamasymen kelgen kópbalaly ana Aqmarjan Bısembaevany 6 aı merzimge jumyspen qamtamasyz etip otyrmyz, dedi Qanat Rahmetuly.
Jınalysta partııa músheleri QR Prezıdentiniń kezekten tys saılaý ótkizý jaıly sheshimdi qoldaıtyndaryn jetkizdi.
-2019 jyldyń 9 maýsymynda QR Prezıdentiniń kezekten tys
saılaýyn
ótkizý durys, ári qajetti qadam dep oılaımyn. Saılaý ádil ári ashyq ótýi úshin barshamyz
bir kisideı atsalysýymyz kerek. Memleket basshysy Qasym-Jomart Toqaevtyń
Úndeýinde aldaǵy QR Prezıdentin saılaý bizdiń syrtqy jáne ishki saıasatymyzdyń
turaqtylyǵyn kórsetip, elimizdiń ári qaraı damýyna
zor yqpalyn tıgizetinin atap ótti, dedi «Munaıtelekom» JShS bas dırektory Erbol
Mýkashev.
Otyrystyń ekinshi kún tártibi boıynsha, «Nur Otan» partııasy Aqtaý qalalyq fılıalynyń kezekten tys XXH konferensııasyna tórt delegat saılandy.
Aıta ketý kerek, «Nur Otan» partııasy Aqtaý qalalyq fılıalynda 44 bastaýysh partııa uıymy bar. Al «Munaıtelekom» bastaýysh partııa uıymy 2002 jyldyń 21 qarashasynda qurylǵan. Búginde atalǵan bastaýysh partııa uıymynda 61 adam bar. Onyń 43 er azamattar bolsa, qalǵan 18 áıelder.
Mańǵystaý oblysy
