Bıyl Forým aıasynda ótken «Farabı álemi» atty stýdentter men jas ǵalymdardyń halyqaralyq ǵylymı konferensııasyna 6513 adam qatysty. Onyń ishinde Germanııa, Túrkııa, Úndistan, Japonııa, Ońtústik Koreıa men TMD elderinen 200-den asa jas ǵalymdardyń baıandamalary tyńdalyp, tájirıbelik saǵattar men dóńgelek ústelder ótkizildi. Fakýltetterde konferensııa aıasynda 100-den astam seksııa jumys istedi.
Farabı oqýlary aıasyndaǵy jas ǵalymdar men stýdentterdiń «Farabı álemi» halyqaralyq konferensııasy da aıaqtaldy. Bul shara eki jyldyq «Rýhanı jańǵyrý» baǵdarlamasy jáne Jastar jyly aıasynda ótkizilip otyr.
Aýqymdy shara sheńberinde stýdentterdiń ınnovasııalyq jobalarynyń kórmesi uıymdastyryldy. Kórmede jınalǵandar QazUÝ stýdentteriniń barlyq salada jasalǵan zamanaýı ınnovasııalyq úlesterin tamashalady.
«Farabı álemi» konferensııasynyń jabylý saltanatyna QazUÝ rektory Ǵalym Mutanov qatysyp, Injınırıng jáne ǵylymı aýqymdy tehnologııalar klasteriniń bas dırektory Ámirhan Temirbaev «Jastardyń qatysýymen jasalǵan ýnıversıtettiń ınnovasııalyq jobalary» atty aktilik dáris oqydy.
Al ınnovasııalyq jobalar baıqaýy boıynsha bas júlde fızıka-tehnıka fakýltetiniń stýdentteri Temirlan Ibraımov, Sultan Úsenhan, Dınara Dosmuhanova, Dıas Elýbaevqa buıyryp, jeńimpazdar arnaýly dıplom men 150 myń teńgeden aqshalaı syılyqqa ıe boldy.
Perızat JARYLQASYNOVA,
Ál-Farabı atyndaǵy QazUÝ-diń
fılosofııa jáne saıasattaný fakýltetiniń magıstranty.
