Al jeke kóligi bar áskerı qyzmetshiler arasynda jol kólik tártibin buzý jáne jolda basqa kóliktermen soqtyǵysyp qalý sııaqty da jaǵdaılar kezdesýde. Aıyppul tóleý, bireýdiń kóligin jasaý jáne óz kóligin jasaý, ol aınalyp kelgende otbasylyq bıýdjetke tireledi. Odan basqa jol kólik oqıǵalary kezinde jaraqat alyp, aýrýhanaǵa túsip jatqan jaǵdaılar da jetkilikti.
Osy baǵyttar boıynsha Atyraý qalalyq polısııa basqarmasynyń jergilikti polısııa qyzmetiniń jol-patrýldik polısııa ókili podpolkovnıgi Meırambek Nuryshevtyń qatysýymen «Batys» óńirlik qolbasshylyǵynyń 51051, Atyraý oblystyq KIJD, 51809E, 41433, jáne 41321 áskerı bólimderiniń qyzmetkerlerine QR ÁQbTK jáne QR jol júrý erejeleriniń negizgi talaptaryn jetkizý boıynsha kezdesýler ótkizilýde.
Atyraýda ótken konferensııada áskerı polısııa bólimshesiniń ofıseri ádilet kapıtany Baqtııar Dáýrenqulov ashyp sóz sóılep «Aıyppulsyz jyl» aksııasy áskerılerdiń otbasynan artyq qarajattyń qajeti joq aıyppuldy tóleýge jumsalmaýy tıis dep habarlady. Ol úshin áskerı qyzmetshiler ózderiniń quqyqtyq tárbıesi men tártibin túzep, quqyqbuzýshylyqtyń kez-kelgen deńgeıine jol bermeýi tıisti.
Aksııa barysynda dóńgelek ústelder, túsindirý jumystary júrgizilip, ákimshilik quqyq buzýshylyqtyń aldyn alý qajettiligi, quqyqbuzýshylyq oryn alǵan jaǵdaıda qyzmetkerdiń jeke basy men, otbasylyq qarjylyq jaǵdaıyna edáýir áser etetindigi túsindirilýde. Odan basqa jol kólik oqıǵalary kezinde jaraqat alyp, aýrýhanaǵa túsip jatqan jaǵdaılar da jetkilikti. Osyndaı túrli jaǵdaılardy boldyrmaýdyń amaly ol tártip buzbaý. Baýyrjan Momyshuly atamyz aıtqandaı «Tártipsiz el bolmaıdy, tártipke bas ıgen qul bolmaıdy!» degen sózin uran etin ustanǵan áskerı polısııa ókilderi óz jumystaryn sátti atqarýda, deıdi kapıtan R.Igısınov.
