«Biz ózimiz bilim alǵan mektebimizge ınteraktıvti taqta men proektor, kompıýter syıǵa tarttyq. Aýyl ákimdigimen, mektep basshylyǵymen, synyptastarmen aqyldasa kele ózimizben birge oqyǵan, búginde áleýmettik qoldaýdy qajet etetin Anastasııaǵa kómek berýdi uıǵardyq. Túrli salalarda eńbek etip júrgen synyptas dostarymyzben osy isti jasap, 9 balasy bar synyptasymyzdy qýantqymyz keldi», - deıdi bizge synyptastary atynan habarlasqan azamat.
Kópbalaly otbasynyń otaǵasy Andreı aýyl turǵyndarynyń turmystyq tehnıkalaryn jóndeýmen aınalysady eken. Al kópbalaly ana Anastasııa men eresek perzentteri sharýa qojalyqtarynda jaldamaly jumys isteıdi. Iаǵnı turaqty jumys bolmaǵan soń baspana alýǵa da shamalary kelmeı, páter jaldap turǵan. Mektep túlekteri aýyl shetinen jer alyp úı qurylysyn ózderi júrgizgen, aýyl ákimdigimen birlese elektr jaryǵy men aýyz sýdy qosyp bergen.
Aıta ketelik, Shardara aýdany ákiminiń orynbasary Baýyrjan Shompıev qaıyrymdy is jasaǵan mektep túlekterin aýdan ákiminiń atynan alǵys hatpen marapattap, batyr ana shańyraǵyna kórimdik retinde kilem syılapty.
