2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń kúntizbelik josparyn bekitý týraly
Qazaqstan Respýblıkasy Konstıtýsııasynyń 41-babynyń 3-1-tarmaǵyna, «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsııalyq zańynyń 12-babynyń 1) tarmaqshasyna, 51-1, 66-1-baptaryna sáıkes Qazaqstan Respýblıkasy Ortalyq saılaý komıssııasy QAÝLY ETEDI:
1. 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń qosa berilip otyrǵan kúntizbelik jospary (budan ári – Kúntizbelik jospar) bekitilsin.
2. Kúntizbelik jospar saılaýdy uıymdastyrý men ótkizýdi qamtamasyz etý úshin oblystardyń, respýblıkalyq mańyzy bar qalalardyń jáne Qazaqstan Respýblıkasy astanasynyń saılaý komıssııalaryna jiberilsin.
3. Osy qaýly buqaralyq aqparat quraldarynda jarııalansyn.
Qazaqstan Respýblıkasy Ortalyq saılaý komıssııasynyń Tóraǵasy B. Imashev
Qazaqstan Respýblıkasy Ortalyq saılaý komıssııasynyń hatshysy S. Mustafına
Nur-Sultan qalasy, 2019 jylǵy 10 sáýir № 10/232
