Zerttelgen nátıjeler boıynsha sanıtarlyq-gıgıenalyq talaptarǵa (normalarǵa) saı kelmeıtin jaǵdaılarda 373,1 myń adam nemese zerttelgen kásiporyndaǵy qyzmerkerlerdiń jalpy sanynan 22,3% jumys istedi Sonyń ishinde shýdyń jáne dirildiń joǵary deńgeıi jaǵdaıynda 169,3 myń adam, ShUK-dan (shekteýli uıǵaryndy konsentrasııadan) asatyn jumys aımaǵyndaǵy aýanyń gazdanýy men shańdanýy áserinde – 128,3 myń adam, qolaısyz temperatýralyq rejımde – 65,9 myń adam, basqa qolaısyz faktorlarda – 9,6 myń adam eńbektengen. Aýyr dene eńbegimen shuǵyldanǵandar 85,3 myń adam.
Jalpy ekonomıkalyq qyzmet túrleri boıynsha sanıtarlyq-gıgıenalyq talaptarǵa (normalarǵa) saı kelmeıtin jaǵdaılarda jumys isteıtin erlerdiń sany áıelderdiń sanynan 3,3 esege artty. Densaýlyq saqtaý jáne áleýmettik kórsetiletin qyzmetter salalaryndaǵy (3,3 ese) qolaısyz jaǵdaılarda jumys isteıtin áıelderdiń sany erler sanynan artty.
Aýyr dene eńbegimen shuǵyldanatyn erler sany arasynda áıelderdiń sany 11,4 esege artty. Qaýipsizdik talaptaryna saı kelmeıtin jabdyqtarda jumys isteıtinderdiń jalpy sanynan erlerdiń sany áıelderdiń sanynan 11,4 % artyq, densaýlyq saqtaý jáne áleýmettik kórsetiletin qyzmetter salasyn qospaǵanda áıelderdiń sany erlerdiń sanynan 10 ese artyq.
О́ńirler boıynsha sanıtarlyq-gıgıenalyq talaptarǵa (normalarǵa) saı kelmeıtin jaǵdaılarda jumys isteıtin zerttelgen kásiporyndardaǵy qyzmetkerlerdiń arasyndaǵy edáýir úlesi Pavlodarda – 41,5%, Qaraǵandyda – 41,2%, Mańǵystaý oblysynda - 38,7%, Shyǵys Qazaqstanda – 27,6%, Shymkent qalasynda – 26,6% belgilendi. Qyzmetkerlerdiń eń az úlesi Batys Qazaqstan oblysynda (5,46) belgilendi.
2018 jyly kásiporyndar (uıymdar) zııandy jáne basqa da qolaısyz eńbek jaǵdaılaryndaǵy jumysy úshin ótemaqylar men jeńildikterge 116 353,9 mln. teńge jumsady.Qosymsha demalys (jeńildiktiń túri) 520,5 myń adamǵa berilgen, zııandy jáne jáne basqa da qolaısyz eńbek jaǵdaıyna ártúrli materıaldyq qosymsha tólemderdi 391,1 myń adam paıdalanǵan, 320,1 myń adam – sút nemese teń baǵaly taǵam ónimderin tegin aldy, 80,4 myń adam – tegin emdik-profılaktıkalyq tamaqtanýmen qamtamasyz etildi, al 48,1 myń adam – qysqartylǵan jumys kúni rejıminde jumys istegen.
Osy statıstıkalyq baıqaýdyń nátıjelerin tereńirek zerdeleý úshin «Qazaqstan Respýblıkasyndaǵy jeke ekonomıkalyq qyzmet túrleri boıynsha zııandy jáne basqa da qolaısyz eńbek jaǵdaılarynda jumys isteıtin qyzmetkerlerdiń sany» bıýlleteniniń elektrondyq nusqasy www.stat.gov.kz saıtyndaǵy «Resmı statıstıkalyq aqparat»/ «Eńbek»/ «Bıýlletender» bóliminde ornalastyrylǵan.
Statıstıkalyq baıqaý kásipkerlik qyzmetpen aınalysatyn shaǵyn kásiporyndardy esepke almaǵanda jekelegen ekonomıkalyq qyzmettiń túrlerindegi kásiporyndar men uıymdar boıynsha jyl saıyn júrgiziledi.
