«Búgingi kúni Qazaqstan boıynsha sýarmaly jerlerdiń kólemi - 1,4 mln. gektar. Jospardy iske asyrý aınalymnan shyǵyp qalǵan, alaıda iske jaramdy 600 myń ga sýarmaly jerdi qalpyna keltirýdi jáne jańa 1,5 mln ga jerdi iske engizýdi kózdeıdi», - dedi A.Baraev atyndaǵy astyq sharýashylyǵy ǵylymı-óndiristik ortalyǵynyń bas dırektory Kenje Abdýllaev.
Osylaısha, 2028 jylǵa qaraı qalpyna keltiriletin jáne jańadan iske qosylatyn sýarmaly jerlerge baılanysty baǵdarlamalardy iske asyrý nátıjesinde sýarmaly jerlerden túsetin jalpy tabys 3 727 mlrd. teńgege deıin, 1 qyzmetkerge óndiris 5,8 mln. teńgege deıin ósýi kózdelip otyr.
Sonymen qatar, Baraev atyndaǵy AShǴО́O-da zamanaýı sýarý tásilderin, sýarý rejımderin jáne aýyl sharýashylyǵy daqyldaryn ósirýdiń ınnovasııalyq agrotehnologııalaryn engizip, alynǵan tájirıbeni ary qaraı aýyl sharýashylyǵy kásiporyndarynyń qyzmetkerlerine úıretý jáne oqytý maqsatynda 189 ga aýmaqta sýarmaly polıgon qurylyp jatyr.
Aıta ketsek, «A. I. Baraev atyndaǵy AShǴО́O» JShS jarǵylyq kapıtalyn ulǵaıtyp, baǵdarlamalyq-nysanaly qarjylandyrý arqasynda 2018 jyly jalpy somasy 823 mln teńgege 19 dana aýyl sharýashylyǵy tehnıksy men 21 dana arnaıy jabdyq satyp alyndy. Onyń ishinde 63 mln teńgege 6 avtokólik jáne 432 mln teńgege 11 traktor, 184 mln teńgege 2 kombaın jáne 144 mln teńgege aýyl sharýashylyǵy jabdyqtary bar.
