ÚEU ókilderi belsendilikke úndedi

Oblystyq jáne 16 aýdandyq, qalalyq aqparattyq-resýrstyq ortalyq bar. Ákimdikter janyn­daǵy keńester men komıssııa­lar­ǵa ÚEU ókilderi engizilgen. Iаǵ­nı, úkimettik emes uıymdar­dyń qoǵamda alar ózindik orny bar, atqarar róli de eleýli. Kúni keshe úkimettik emes uıymdardyń jetekshileri bas qosyp, elimizdegi basty saıası oqıǵa – saılaýǵa qatysty óz oı-pikirlerin ortaǵa saldy. 

«Túrkistan oblysynyń Aza­mat­tyq Alıansy» zańdy tul­ǵa­­lardyń qaýymdastyq nysa­nyn­daǵy birlestiginiń tóraǵa­sy Sháripbek Jamalbektiń tór­aǵa­lyǵymen ótken jıynda «Jaıylma» qoǵamdyq birles­tiginiń tóraǵasy Janbolat Súıin­baev, Túrkistan qalalyq «Semeı ıadrolyq synaq polıgony» qo­ǵam­dyq birlestigi­niń tóraǵasy Ahmet Ospanov, «Eko Atameken» qoǵamdyq bir­lestiginiń tóraıymy Gúlnár Nııazova óz pikirlerin bildir­di. Mysaly, «Túrkistan oblysy­nyń isker áıelder assosıasııa­sy» qoǵamdyq birlestiginiń tóraıy­my Inara Namazbaevanyń aıtýynsha, birlestik ujymdyq únqosýyn áriptesterine jolda­ǵan. «Álem jurtshylyǵy elimiz­degi tatýlyqtyń qýaty men qun­dy­lyǵyna kóz jetkizip otyr. Qazir­gi ýaqytta Qazaqstan óziniń eko­no­mıkalyq damýynyń jańa úrdisterimen de syrtqa tanylyp, saıası turaqtylyq­tyń nátı­jesinde damyp kele­di. Eldigimizdi kórse­tetin, tutas­tyǵymyzdy dálel­­deıtin shaq jetti. Sol úshin saı­laýǵa bir kisideı jumylyp atsaly­samyz. Elimizdiń ózge óńir­lerindegi isker áıelder de bul bastamany qoldaıdy dep senemiz», deıdi I.Namazbaeva.

 Al jıyndy júrgizip otyr­ǵan Sháripbek Jamalbek árbir adam óziniń azamattyq belsendi­ligin tanytyp, eldik másele qozǵal­ǵan saıası oqıǵalardan shet qal­maýy kerektigin aıtty. «Ata-baba­myz kóksegen Táýelsizdik týy kógimizde jelbirep tur. En­digi maqsat ári basty mindet – sol táýel­sizdikti kózdiń qara­shy­ǵyndaı saqtaý jáne ony odan ári nyǵaıtý. Elbasynyń bastaýymen Qazaqstan barlyq sala­da jetistikke jetti. Birligimiz­di ny­ǵaıta el múddesi jolynda tyn­baı eńbek etýimiz kerek. Pre­zı­denttiń ózi aıtqandaı, qoǵam­dyq-saıası kelisimdi qamta­masyz etý úshin aıqyndyq qajet. Sol úshin úkimettik emes uıymdar saılaýǵa bir kisideı jumylyp, atsalysaıyq», dedi Sháripbek Jamalbek. 

О́z kezeginde sóz alǵan úki­met­­tik emes uıym basshylary Prezıdent Qasym-Jomart Toqaev­tyń sheshimin qoldaı­tyn­daryn, saılaýǵa belsendi túrde qaty­satyndaryn jetkizdi.