«2018 jyly Qazaqstannyń shıkizattyq emes eksporty 15,7 mlrd dollardy qurady jáne ótken jyldyń sáıkes kezeńimen salystyrǵanda 1%-ke (2017 jyly 15,6 mlrd AQSh dollar) artty. Hımııa ónerkásibi 2,6%-ke (tyńaıtqyshtar, sary fosfor, polımerler), mıneraldy ónimder 14,6%-ke (munaı ónimderi, koks jáne tas kómirden jartylaı koks, munaı bıtýmy), mashına jasaý 11%-ke, azyq-túlik ónimderi 7,6%-ke ósti», dedi Roman Sklıar.
Sonymen qatar Mınıstrdiń aıtýynsha, búgingi tańda Qazaqstan 120 elge 800 taýar túrin shyǵarady.
«О́ńdeý ónerkásibiniń negizgi eksporttyq taýarlary - ferroqorytpa, óńdelmegen myrysh, tazartylǵan mys, ýran, munaı gazdary, transformatorlar jáne akkýmýlıatorlar (shıkizattyq emes eksporttyń 51% - yn metallýrgııa quraıdy)», dedi mınıstr.
Sondaı-aq Mınıstrliktiń esebi boıynsha, elimizde 2018 jyly daıyn ónimniń eksporty 16%-ke (485 mln AQSh dollary) artqan. Al ónimder eksportynda daıyn ónimder eksportynyń úlesi 2017 jylmen salystyrǵanda 2,5 paıyzdyq tarmaqqa ósip, 23%-ti quraǵan.
