Eki kúnge sozylatyn bul bilim básekesine Qazaqstanda jýrnalıst mamandaryn daıarlaıtyn 17 joǵary oqý ornynan 51 stýdent qatysyp, bar ónerlerin pash etti.
Olımpıadany Pavlodar memlekettik ýnıversıtetiniń rektory Ahmetova Gaýhar Ǵalymqyzy resmı túrde ashyp, barlyq qatysýshylarǵa sáttilik tiledi.
Jarystyń birinshi kezeńinde ár top ózderiniń daıyndaǵan vıdeo-tanystyrýlaryn kórsetti. Al ekinshi kezeńde qatysýshylar esse jazyp, jeńis tuǵyrynan kórinýge bar kúshterin saldy.
Eki kezeń aıaqtalǵannan soń, jarysqa kelgen qatysýshylardy Pavlodar qalasyn aralatyp, kórnekti jerlermen tanystyrdy. Ekskýrsııa Aýǵan soǵysy ardagerlerine arnalǵan saıabaqtan bastalyp, S.Toraıǵyrov eskertkishi, Ortalyq meshitke jalǵasqan jol Buhar jyraý mýzeıinen aıaqtaldy.
Dúldúlderdiń dúbirli dodasy búgin óz máresine jetedi.
