Elbasy Nursultan Nazarbaevtyń «Áleýmettik qamqorlyq» bastamasynyń aımaqtaǵy oryndalýymen tanysý jáne áleýmettik qoldaý sharalarynyń júzege asý joldaryn túsindirý maqsatynda jetisý jurtshylyǵymen kezdesken Úkimet basshysynyń orynbasary Taldyqorǵan qalasyndaǵy Jumyspen qamtý ortalyǵyn aralady. Jumyspen qamtý ortalyǵynda aımaq turǵyndaryna jumysqa ornalastyrý, eńbek naryǵyn zertteý, jumyssyzdardy qaıta darıalap, oqytý sııaqty negnizgi áleýmettik qyzmettiń barlyq túri kórsetiledi. Ortalyqtyń jumysy tolyqtaı sıfrly júıege kóshken. Osy ortalyqpen tanysý barysynda Gúlshara Ábdihalyqovanyń nazaryna Almaty oblysynyń «Áleýmettik kartasy» tanystyryldy.
Oblys ákimi Amandyq Batalovtyń aıtýynsha, aımaqtaǵy áleýmettik qoldaýdy qajet etetin turǵyndardy qoldaýǵa 3 mlrd teńge kóleminde qosymsha qarjy bólingen. Bul qarajat «Áleýmettik karta» boıynsha jumsalmaq. Áleýmettik qamtý negizinde kópbalaly otbasylardy baspanamen qamtý, osy sanattaǵy áýlettiń balalarynyń joǵary bilim alýyna jaǵdaı jasaý, jumyspen qamtý sııaqty sharalar júzege asyrylýda.
- Oblys ortalyǵynda kóp balaly otbasylar úshin kóp qabatty eki úıdiń jobasyn ázirleý jumysy bastaldy, kottedj qalashyǵynan da úı bólý múmkindikteri qarastyrylýda. Sondaı-aq, «7-20-25» baǵdarlamasy boıynsha da quny 1 mln. teńge bolatyn turǵyn úı sertıfıkaty berýdi bastadyq. Qazirgi quny sertıfıkattyń jıyntyq qory 300 mln teńgege jetti, - dedi «Áleýmettik kartany» tanystyrý barysynda oblys ákimi Amandyq Batalov.
Al az qamtylǵan jáne kóp balaly otbasylarynyń balalaryna joǵary oqý oryndarynda bilim alýy úshin bólentin grant sanyn taǵy da júzge kóbeıtý kózdelýde. Bul maqsatqa 44,3 mln teńge qarjy qarastyrylǵan eken. Qazir de oblys ákiminiń arnaıy granty boıynsha 246 stýdent túrli oqý oryndarynda oqyp jatyr. Az qamtylǵan otbasylar balalary úshin mektepte ystyq tamaqpen úlesi 100 prosentke jetti. Búginde oblys aýmaǵyndaǵy mektepterde 32 myń bala tegin ystyq tamaqpen, mektep formasymen, jazǵy demalys kezindegi demalys lagerimen qamtamasyz etilipti.
«Áleýmettik karta» boıynsha endi Taldyqorǵan qalasynda turatyn kópbalaly analar qoǵamdyq kólikte tegin júretin boldy. Buǵan deıin osyndaı tegin jol júrý múmkindigin oblys ortalyǵyndaǵy 42 myń mektep oqýshysy men stýdentter paıdalanyp kelgen bolatyn. Qazir oblys aýmaǵynda kógildir otyn kózine qosylý qarqyndy júrip jatyr. Tabıǵı gazǵa qosý isi boıynsha da áleýmettik jaǵynan az qamtylǵan otbasylaryna jeńildik qarastyrylyp otyr eken. Bul maqsatqa qazynadan 500 mln teńge bólingen.
Jalpy Úkimet músheleriniń nazaryna usynylǵan Jetisýdyń «Áleýmettik qorǵaý» kartasy oblystaǵy 253 aýyldyq okrýg turǵyndarynyń áleýmettik jaǵdaıyn zerdeleý negizinde jasaldy. Qazir aýdandar boıynsha bul tizim jetildirilip, «E-Halyq» aqparattyq júıesine qosylýda. Sondaı-aq, barlyq aýdanda kópbalaly jáne az qamtylǵan otbasylaryna «Bir tereze» qaǵıdatymen qyzmet kórsetetin ortalyqtar ashylýda.
Úkimet basshysynyń orynbasary Gúlshara Ábdihalyqova Taldyqorǵan qalasyndaǵy Halyqqa qyzmet kórsetý ortalyǵynyń jumysymen tanysyp, ondaǵy áleýmettik qorǵaý baǵytynda kórsetiletin qyzmet sapasyn baǵalady. Sondaı-aq, vıse-premer qaladaǵy Kásipkerlerge qyzmet kórsetý ortalyǵynda turǵyndarmen kezdesip, IT-tehnologııa baǵytynda bilim beretin mektep-lıseıdi aralady. Jańadan qoldanysqa berilgen turǵyn úılerge qonystanǵan kópbalaly otbasylardyń shańyraǵyna bas suqqannan keıin Gúlshara Ábdihalyqova «Nur Otan» partııasy oblystyq fılıalynyń qoǵamdyq qabyldaý bólmesinde jetisýlyq kópbaly analardyń bir toby men az qamtylǵan otbasy múshelerin qabyldap, «Áleýmettik qorǵaý» baǵdarlamasy boıynsha tolǵandyrǵan suraqtarǵa jaýap berdi.
Almaty oblysy
